Fayar de Malpás

De Biquipedia
Ir a la navegación Ir a la búsqueda

Lo Fayar de Malpás (Faiada de Maspás en catalán ribagorzán) ye un fayar de l'Alta Ribagorza situata en o paco d'o mont Malpás, a man de lo Pont de Suert y Viu de Llevata. Ye un buen eixemplo de fayar submediterranio y a saber-lo d'intresant porque se troba en una zona prou seca d'os Pireneus con pocos fayars.

Este fayar se localiza entre los 1250 y los 1700 m, dende lo Plan de Montiberri dica las tucas. Ye repiteyato en lo suyo cabo inferior por pinetas de pin royo, y en las zonas baixas prosimas a lo rivet de Llevata por abellanerals. Ye posible que los avellanerals sigan una etapa de sustitución d'antigas selvas mixtas submediterranias de freixeras, urmos de mont, tileros, diferents especie de caixicos, cereseras bordes, ecetra...

En los cinglos de lo Tozal del Casals bi ha carrascals rupicolas con buixo y restos de caixicars de Quercus humilis, que ye posible que sigan a vechetación potencial d'as costeras baixo los 1300-1400 de la val de la Noguera Ribagorzana.

Lo fayar de Malpás y lo de Mas d'en Gras que bi ha a man tienen zonas poco espleitatas a meya costera con suelo profundo. Manimenos la importancia de lo buixo ye gran. Os acirons (Acer opalus) los tilers (Tilia platyphyllos), las moixeras (Sorbus aria) amaneixen a sobén con os fayos y son freqüents en los claros la Senera (Amellanchier ovalis), la tintilaina (Viburnum lantana), Coronilla emerus u Cytisus sessilifolius, que se troban tamién en los caixicars de la redolada

A tamas de lo suyo caracter submediterranio, en este fayar bi ha especies atlantico-centroeuropeas como Convallaria maialis, Helleborus viridis, Lilium martagon, Lonicera alpigena, Galium odoratum, Mercuriales perennis, etc....