Amelanchier ovalis

De Biquipedia
(Reendrezau dende Senera)
Ir a la navegación Ir a la búsqueda
Senera
Amelanchier ovalis.JPG
Amelanchier ovalis
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Rosales
Familia: Rosaceae
Subfamilia: Maloideae
Chenero: Amelanchier
Especie: A. ovalis
Amelanchir ovalis
Medik. 1793

A senera u corniera[1] (Amelanchier ovalis) ye una planta d'a familia d'as rosacias que creixe en caixicars u en suelos rocosos d'a cuenca occidental d'a Mediterrania y os Alpes dica os 2.100 m d'altaria.

Ye un arbusto caducifolio que plega a una altaria d'1 m ta 4 m. As brancas son flexibles y resistents; as fuellas son ovalatas y con una marguin aserrata. A inflorescencia ye en paniculas, entre abril y mayo, con 2 a 10 flors blancas. Os fruitos son drupas globosas de color azul u negrenca.

A medecina tradicional li atribuye a la influsión d'a suya crosta con bicarbonato de sodio, propiedatz como hipotensor, diuretico, coleretico, astrinchent, antiinflamatorio. A las fuellas lis s'atribuyen propiedatz hipotensoras y antipireticas; s'emplega a suya sapia como diuretico y antireumatico.

Flors d'a serera.


Cheobotanica[editar | modificar o codigo]

En zonas con rocas masivas y con muita pendient on quasi no se desembolica un suelo prou profundo pa arbols u atras especies y con un clima mediterranio sub-humido de montanya as sereras pueden dominar as formacions vechetals, como se desvién en Aliaga y bells almendrons de Vadiello.

Usos tradicionals[editar | modificar o codigo]

Os tochos de senera que se dicen "brecas" se fan servir pa unir os cabos d'os mandils.[2] Con senera se feba escobas rusticas ditas baleras[2] u baleyas.

A suya lenya se vendeba antes más en Zaragoza con o nombre de carrasquilla como hipotensora y pa tractar malautías de vuixiga[3].

Referencias[editar | modificar o codigo]

  1. (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p.41
  2. 2,0 2,1 (es) Chabier Tomás Arias: El aragonés del Biello Sobrarbe. Instituto de Estudios Altoaragoneses (1999), p 195, p 187.
  3. (es) Ignacio Ballarín Iribarren, Enrique Pelayo Zueco: Árboles y arbustos del Moncayo. Diputación General de Aragón, Departamento de Agricultura, Ganadería y Montes, 1985, p 14.

Vinclos externos[editar | modificar o codigo]