Estau Aragonés

De Biquipedia
Ir a la navegación Ir a la búsqueda
Iste articlo ye sobre l'actual partito independentista aragonés. Ta o partito politico creyato mientres a Segunda Republica Espanyola se veiga Estado Aragonés.
Estau Aragonés
Logo Estau Aragonés.png
Datos chenerals
Líder Andrés Castro
Periodo 2006
Establito {{{establito}}}
Desaparición {{{desaparición}}}
Seu Zaragoza
Ideyolochía Independentismo aragonés
Colors {{{colors}}}
Ambito politico
Estato {{{estato}}}
País Flag of Aragon.svg Aragón
Comunidat autonoma {{{ccaa}}}
Rechión {{{rechión}}}
Coalición de {{{coalizión}}}
Afillatura europea {{{europa}}}
Afillatura internacional {{{internacional}}}
Partito Politico {{{partito}}}
Chovenalla Os Almugabars
Web {{{web}}}

Estau Aragonés (en castellán Estado Aragonés, en catalán Estat Aragonès)[1] ye un partito politico independentista aragonés y socialista, creyato en l'anyo 2006, inspirato en l'antigo Estado Aragonés de 1933, por una colla d'emigrants aragoneses en Barcelona que procedeban de o Ligallo d'Emigración de CHA en Catalunya, y que heban conoixito a José Aced, zaguero melitant vivo de l'antigo partito homonimo. Asinas, qui heba estau lo president d'ixe Ligallo ye l'actual portavoz d' Estau Aragonés.

Os suyos ideals son aconseguir a independencia d'Aragón y a liberación d'a clase obrera aragonesa.

O prencipal obchectivo d'Estau Aragonés ye arroclar a totz os partidarios d'a sobiranía d'Aragón en una sola plataforma, ta lo que participó en a fundación d'o Bloque Independentista de Cuchas (BIC) en 2007, chunto con Puyalón de Cuchas, Chobenalla Aragonesista y A Enrestida. Pero istos tres colectivos decidioron forachitar a Estau Aragonés d'o BIC en 2008.

Astral-Mozardalla d'Estau Aragonés estió a suya organización politica chovenil dica febrero de 2009[2] en que s'esvinculó d'o partito. Dimpués d'ista noticia, Estau Aragonés creyó a Os Almugabars-Chobentut Independentista d'Aragón como a suya nueva mozardalla.

Ta las eleccions europeas de 2009, Estau Aragonés, chunto con Tierra Aragonesa, prebó de fer una coalición con atras collas clamata Republicas Sobiranas d'Europa, que no consiguió los refirmes amenistatos de cargos publicos, tanimientres que Astral refirmó, chunto a la resta de o BIC, a candidatura Iniciativa Internacionalista - Solidaridad entre los Pueblos, que tampoco no consiguió representación.

Lo 20 d'aviento de 2009 y a Cincomarzada de 2010, Estau Aragonés y Tierra Aragonesa facioron actos conchuntos, pero alcordoron presentar-sen por separau en as eleccions de 2011.

Estau Aragonés se presentó t'as eslecions municipals de Zaragoza ta mayo de 2015, obtenendo 457 votos, lo 0'14% de o total. En a suya Asambleya de setiembre, decidió no presentar-se t'as eslecions chenerals d'aviento de 2015 y tampoco no recomendar o voto ta denguna. Tamién alcordó continar treballando ta fer candidaturas de conchunta con todas as collas nacionalistas aragonesas ta 2019.

Referencias[editar | editar código]

Vinclos externos[editar | editar código]