Trasmoz

Trasmoz
Municipio d'Aragón
Entidat  • País  • Provincia  • Comarca	Municipio  Aragón  Zaragoza Tarazona y Moncayo
Superficie	18,1 km²
Población  • Total	89 hab. (2013)
Altaria  • Meyana	765 m.
Distancia  • 80 km	enta Zaragoza
Alcalde	Francisco Javier Moliner Cebollada
Codigo postal	50583
Coordenadas	41°49’34’’N 1°43’24’’U
Trasmoz Trasmoz en Aragón
Web oficial

Trasmoz ye un municipio d'a provincia de Zaragoza, situato en a comarca de Tarazona y Moncayo. A suya población ye de 72 habitants (INE 2004), en una superficie de 18,1 km² y una densidat de 3,98 hab/km².

Cheografía

Ye situato en o semontano de Moncayo.

Toponimia

O toponimo Trasmoz provién d'o latín TRANS- MONTES y representa un eixemplo de formación de plural en aragonés en un aria actualment castellanizata. A seqüencia ye:

• TRANS MONTES > Tras Monts > Tras Mots > Trasmoz.

Una d'as primeras mencions de Trasmoz ye quan Chaime I d'Aragón donó a lo Monesterio de Veruela unas defesas en diferents localidatz amanatas, y lo veyemos escrito como Trasmonç:

Datum apud Trasmonç, VIIIº kalendas madii, Era Mª CCª LXXª IIª.

O diacritico ç se pronunciaba ts aragonés y castellano medieval, pero que s'ha de leyer /Trasmonts/). Ixe texto ye escrito o 24 d'abril de 1234 en latín medieval pero presenta este y atros toponimos en aragonés.

En o "Libro Chartre" s'escribe Trasmoz u Trasmoç, que s'ha d'interpretar como /Trasmots/.

Demografía

Evolución demografica

1900	1910	1920	1930	1940	1950	1960	1970	1981	1991	2001	2004
341	312	319	330	327	305	241	167	105	80	61	65

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Aragonés									2
Partido Popular									1
Total									3

Alcaldes

Lista d'alcaldes

Lechislatura	Nombre	Partito politico
1979–1983	Luis Enrique Berges Jaime	UCD
1983–1987
1987–1991
1991–1995
1995–1999
1999–2003	María del Mar Salvador	PSOE
2003–2007	María del Mar Salvador	PSOE
2007–2011	Francisco Javier Moliner Cebollada	Partido Aragonés
2011–2014	Francisco Javier Moliner Cebollada	Partido Aragonés
2014-2015	David Rabinal	Partido Aragonés
2015–2019	Jesús Daniel Andía Berna	PP
2019–2023	Jesús Daniel Andía Berna	PP

Puestos d'intrés

• castiello.
• Ilesia d'a Virchen d'a Huerta.

Cusiosidatz

• Ye un lugar con leyendas de bruixería.
• Lo cedió Pero II d'Aragón a o rei Sancho VII de Navarra dimpués d'una partita de cartas en 1212, quan a Batalla d'as Landas de Tolosa.
• O castiello de Trasmoz ye propiedat de Manuel Jalón Corominas, inventor d'a fregona.
• O famoso chinecologo espanyol Julio Iglesias Puga yera en Trasmoz quan lo secuestró a banda terrorista ETA en 1982.

Fiestas

• Sant Antón (con foguera), 16 de chinero.
• Santo Cristo d'a Piedar, 29 d'abril.
• Virchen d'a Huerta, 9 de setiembre.
• Sant Roque y l'Asumpción, 15-16 d'agosto.
• Romería ta a Virchen de Moncayo con os de Litago, zaguers d'agosto.