Pueblos turquicos

Distribución d'os principals pueblos turqueses en o mundo

Os pueblos turquicos son un conchunto de pueblos d'Asia Central, Siberia, Orient Meyo y Europa Oriental que parlan luengas turquesas como reflexo d'un común orichen d'as suyas clases dirichents en o norte d'Asia Central. Por o menos dende l'Alta Edat Meya uns pueblos turqueses con modo de vida propio de pastors nomadas u seminomadas encomenzoron un proceso migratorio que los levó ir ocupando as estepas d'Asia Central (que pasoron a denominar-se Turquestén), arribando tamién en Orient Meyo, proceso que s'acceleró con a formación d'o Imperio Mongol. A mayor part d'os pueblos turqueses se convirtioron a la relichión musulmana como conseqüencia d'o suyo proceso migratorio ta zonas d'influencia musulmana.

Os pueblos turqueses desfacioron o modo de vida sedentario de determinatas zonas que ocupaban como Anatolia u se constuyoron en clase dirichent de pueblos sedentarios en atras zonas como en Persia u Transoxiana, a los qui asimiloron. Os pueblos turqueses han formato estatos con gran importancia cheopolitica como o Imperio Otomán. Actualment os pueblos turqueses son mayoritarios en Turquía, Azerbaichán, Turkmenistán, Uzbequistán, Kazaquistán y Kirguizistán, y fan una part important d'a población de determinatas rechions de Rusia, China, Afganistán u Irán.

Luenga

Ta más detalles, veyer l'articlo luengas turquesasveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A luenga turquesa més diverchent d'o conchunto ye o chuvaix. As atras luengas turquesas presentan menor distancia entre ellas que as luengas eslavas u as luengas neolatinas como conseqüencia d'un proceso de formación y deseparación més recient. Abundan as parlas de transición entre diferents luengas turquesas.

Relichión

A relichión orichinal d'os pueblos turqueses ye o tengrianismo, culto a lo dios celeste tengri.

Os pueblos turqueses se convirtioron a diferents relichions (budismo, maniqueísmo, cristianismo nestorín, cristianismo ortodoxo), pero a mayoría remató convertindo-se a la relichión musulmana.