Asia Central
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Asia Central ye una rechión d'Asia que abraca as tierras d'entre a Mar Caspia y l'ueste de China.
Os territorios que s'incluyen per un regular en ista rechión son:
- buena parte de Cazaquistán,
- Uzbekistán,
- Turkmenistán (u Turcomanistán),
- Kirguizistán (u Kirguizia),
- y Tachiquistán.
A ormino tamién se i incluyen:
- os países d'a Transcaucasia, mes que mes Azerbaichán,
- parte d'o N d' Irán, Afganistán y Pakistán,
- parte d'o S de Siberia,
- Mongolia,
- o Xinjiang y o Tibet, a l'ueste d'a Republica Popular de China.
A rechión se caracteriza per estar un punto de trobata de chens y enfluyenzias plegatas d'Irán, India y China, sobre tot per a que se conoix como rota d'a seda. A luenga y cultura de buena parte d'os territorios ye turco-mongol (menos entre os tachicos y os tibetans), per o que parte d'ista rechión tamién se conoix con o nombre de Turquestén. A relichión mayoritaria ye o islam (menos en Mongolia y o Tibet). Os actuals Estatos independients de Cazaquistán, Uzbekistán, Turkmenistán, Kirguizistán y Tachiquistán son o resultato d'a disgregación d'as antigas republicas autonomas d'a Unión Sovietica.