Imperio Mongol

De Biquipedia
Ir ta: navego, busca
Articlo d'os 1000
Монголын Эзэнт Гүрэн
Mongolyn Ezent Guren
Ikh Mongol Uls

Imperio Mongol
3by2white.svg 1206 — 1368 3by2white.svg
3by2white.svg
Flag of the Ilkhanate.svg
3by2white.svg
Situación de Imperio Mongol
Mapa d'o Imperio
Capital Karakorum, Cambaluc y Xanadú
Gubierno Monarquía
 • Formación 1206
 • Desaparición 1368
Superficie
 • Sieglo XIII
 • 1270, 1309

33,000,000 km²
Población
• Sieglo XIII est.
• 1270, 1309 est.
     Densidat

110.000.000 hab.

O Imperio Mongol, establito por Chinguis Khan en o sieglo XIII, estió o imperio de territorios mugants más amplo, ye decir, o que más amplaria seguita ha controlato en tota la historia. Alto u baixo a metat d'a población mundial yera baixo lo dominio mongol por ixas envueltas. Incluyiba países actuals dende a Mediterrania dica o Pacifico, dende Europa Central dica o sudeste asiatico. L'actual Mongolia yera una parti chicota d'o imperio.

Temujin, naixito en 1167 unificó baixo a suya sobiranía a muitas tribus mongolas en 1190 y dimpués sozmetió a bellas tribus turquicas. En 1206 se fació proclamar Chingiz Kagan ("Khan universal"). Esdevinió o caudiello d'un exercito fundamentalment de caballería, muito poderoso y organizato, dirichito por mongols, pero talment de mayoría turquica.

Os uigurs adhibitos a lo imperio civilizoron a la clase dirichent mongola. A luenga mongola encomenzó a escribir-se en alfabeto uigur, derivato d'o sogdián. En 1218 os mongols entroron en o Imperio d'os Kara-Khitai, tamién con una clase dirichent mongola (os khitan). Dimpués d'invadir Transoxiana en 1220 destruyoron Sarmagant, dimpués debastoron Khorezm y en 1221 invadinoron os restos d'a suya capital Urgench. Tiempo dimpués tamién devastoron Corastén, Bactria y norte de Persia.

Quan morió Chinguis Khan en 1227 o imperio fue dividito entre tres d'os suyos fillos y un nieto: Chagatai, Ögödei y Tului y Batu, fillo de Chöchi.

O Gran Khan Ögödei contina a expansión d'o imperio. Os zaguers restos d'o reino Qin cayoron en 1232 quan os mongols prenioron Kaifeng. Ogodei ya ha conquiesto o norte de China, y funda a capital Karakorum en a val d'Orkhon. Muere en 1241.

A expansión mongola continará con o Gran Khan Mongke en 1259. Ninvió a lo suyo chirmán Hulegu Khan a conquerir los estatos musulmans d'Orient Meyo y atro chirmán suyo, Kublai, fue ninviato a conquerir o sud de China, feito que rematará en 1279. Con a muerte de Mongke en 1259 remata en a practica a expansión mongola.

Un descendient d'Ögodei se fa proclamar Gran Khan, s'instala en Pequín, funda a dinastía Yuan se sinizará y esdebendrá un emperador de China d'orichen mongol que encara controla Mongola. Arredol l'anyo 1260 en a practica o Imperio Mongol queda dividito en quatre estatos independients: