Escape to Athena

Escape to Athena
Títol	Escape to Athena
Póster d'a cinta.
Ficha tecnica
Dirección	George Pan Cosmatos
Aduyant de dirección	Derek Cracknell
Producción	David Niven Jr. Jack Wiener
Guión adaptau	Edward Anhalt Richard S. Lochte
Basau en	una historia de Richard S. Lochte y George Pan Cosmatos
Musica	Lalo Schifrin
Fotografía	Gil Taylor
Montache	Ralph Kemplen
Vestuario	Yvonne Blake
Maquillache	Eric Allwright Paul Engelen
Peluquería	Ramon Gow Mike Jones Jacques Moisant
Efectos especials	John Richardson
Casting	Irene Lamb
Actors	Roger Moore Telly Savalas David Niven Stefanie Powers Elliott Gould Claudia Cardinale Richard Roundtree Sonny Bono Anthony Valentine Siegfried Rauch Richard Wren Michael Sheard Philip Locke Steve Ubels Paul Picerni Paul Stassino
Color	Panavision
Datos y cifras
País(es)	Reino Uniu
Anyo	1979
Debantadera	16 de febrero de 1979 Finlandia 9 de marzo de 1979 Reino Uniu
Chenero(s)	Cine de comedia Cine belico
Durada	125 min.
Idioma(s)	Anglés Alemán Griego
Companyías
Productora(s)	ITC Entertainment
Distribución	Associated Film Distribution
Presupuesto	10 millons de dólars
Informacions en bases de datos especializadas:

Escape to Athena (títol orichinal en anglés, en aragonés Fuga a Athena, enguerada en Aragón con o títol d'Evasión en Atenea, de vegadas tamién Evasión en Atenas) ye una cinta de cine de comedia belica de cine britanico de l'anyo 1979 dirichida por George Pan Cosmatos seguntes un guión adaptau por Edward Anhalt y Richard S. Lochte (basau en una historia de Richard S. Lochte y George Pan Cosmatos), con una banda sonora orichinal de Lalo Schifrin, una dirección de fotografía de Gil Taylor, una producción cinematografica de David Niven Jr. y Jack Wiener ta la productora cinematografica ITC Entertainment y un elenco d'actors d'o cual en fan parte, entre d'atros, Roger Moore, Telly Savalas, David Niven, Stefanie Powers, Elliott Gould, Claudia Cardinale, Richard Roundtree, Sonny Bono, Anthony Valentine, Siegfried Rauch, Richard Wren, Michael Sheard, Philip Locke, Steve Ubels, Paul Picerni y Paul Stassino.

En 1944, mientres a Segunda Guerra Mundial, en a Gracia ocupada por o Tercer Reich se troba un campo de presoneros de guerra bien peculiar. Ye baixo lo mando d'o comandant Otto Hecht, un antigo anticuario de Viena bien poco honesto. Oficialment o campo ye adedicau a las prospeccions de chacimientos arqueolochicos con a finalidat d'obtener antigüidaz d'intrés ya sía politico ya ta vender-las ta obtener financiación ta la guerra, pero en realidat nomás que las troballas de poca calidat se ninvían enta Berlín y las realment valuosas se desvían enta Suiza, a on i vive una chirmana d'o comandant. Amás, os presoners saben que malas que rematen as troballas los ninviarán enta d'atros campos muito menos agradables, asinas que s'esmeran en fer troballas, encara que en realidat siempre troban exactament os mesmos obchectos, terne que terne. Bel día plega en o campo una parella d'estausunidenses que lo comandant d'o campo consigue sostrayer d'o comandant Volkmann, d'as Schutzstaffel, que actúa de forma radicalment diferent a la de Hecht, adedicando-se a la represión sobre los civils griegos. Zenon, un antigo monche d'un monesterio amanau, ye qui diriche la Resistencia griega contra los alemans y lo suyo cuartel cheneral ye la casa d'a novia de Zenon, que no ye atra cosa que lo bordel local. L'Alto mando d'os Aliaus ordena a Zenon cooperar con os presoneros t'apoderar-se d'o campo, pero cualques d'os presoneros tienen un atro plan, que ye apoderar-se d'uns valuosos platos bizantinos que se troban en o monesterio.

A cinta s'ambienta en bella isla de Grecia en 1944 mientres a Segunda Guerra Mundial y las suyas escenas se filmoron en Rodas y atras localidaz en a isla de Rodas (unidat periferica de Rodas en a periferia de l'Echea Meridional) y en o monesterio de Simonopetra en o mont Athos en Grecia.

Elenco

Actor	Papel	Notas
	'

Se veiga tamién

• Cine en 1979.
• Cintas de 1979.

Referencias

• Datos: Q1430523