Equus quagga
Zebra d'as planas | ||||||||||||||||
![]() Equus quagga, a zebra d'as planas. | ||||||||||||||||
| ||||||||||||||||
| ||||||||||||||||
Equus quagga | ||||||||||||||||
Boddaert, 1785 | ||||||||||||||||
![]() Dêstribución de la Equus quagga en Africa. | ||||||||||||||||
A zebra d'as planas (Equus quagga (Boddaert, 1785)) tamién dita zebra común, ye la mas abundant de todas as especies de zebras. Se troba dende Etiopia dica Angola por o sud. Fue cazada por a suya carne y por o suyo cuiro, cosa que ne fizo minguar lo numero d'animals. Huei ye encara común en muitas reservas.
A zebra d'as planas ye de tamanyo meyanero, con o cuerpo amplo y las patas relativament curtas. Os adultos d'os dos sexos han una altura de 1,4 m y una lonchitut de 2,3 m, con bells 240 kg de peso. Mesmo que todas as zebras, os suyos cuerpos estan cobiertos de rayas blancas y negras a color y distribución d'as quals ye unica de cada individuo. Actualment, se'n conoixe tres subespecies, antimás de dos que ya son desapareixidas. Todas tienen franchas verticals en a parte debantera d'o cuerpo, as quals se'n tornan de mas horizontals asinas s'amanan pa la parte posterior. As subespecies mas nortencas han as franchas mas definidas y finas, mientres que las variedatz d'o sud las han mas variadas pero esparzas en a parte baixa d'o cuerpo, patas y cuixas.
D'as especies conoixidas, a primera que fue descrita ya s'ha extinguiu: A Quagga, que teneba toda la parte mas zaguera d'o cuerpo de color marrón, sin de rayas.

As zebras d'as planas son animals muito socials que s'apaixentan en rebanyos en do que lo líder ye siempre un masto adulto, y chuntado con bellas fembras y las crías suyas, forman una estructura estable que manimenos varía seguntes a comunidat y lo ecosistema. Quan mas chicos son os campos u mas seca ye la hierba, mas chicotz se fan os grupos. D'a mesma traza, quan os campos bi han verdura las zebras pueden achuntar-se en grans rebanyos que a ormino tamién incluyen altros animals como nyus u antilops.
As zebras d'as planas no precisan de hierba tan verde como los remugants, y a ormino están as primeras en plegar ta los puestos en dó la hierba ye altera u viella, y quan la han minchata tota, os altros animals pueden pasar.
As zebras d'as planas solen pasar as nueitz en campo ubierto pa veyer-se venir os predadors. Como fan os caballos, estas zebras fan turnos pa dormir y asinas vichilan de no quedar-se adurmiertas por si venise garra enemigo.
Subespecies[editar | modificar o codigo]
- Equus quagga quagga; A Quagga.
- Equus quagga burchellii; A zebra de Burchell.
- Equus quagga boehmi; A zebra de Grant.
- Equus quagga borensis; A zebra de Selou.
- Equus quagga chapmani; A zebra de Chapman.
- Equus quagga crawshayi; A zebra de Crawshay.
Imachens[editar | modificar o codigo]
Vinclos externos[editar | modificar o codigo]
Wikispecies tiene un articlo sobre Equus quagga.
Se veigan as imachens de Commons sobre la zebra d'as planas.