Equidae

Equidae
Equus caballus przewalskii, o caballo de Przewalski.
Denominacions populars
equidos
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Mammalia
Orden:	Perissodactyla
Familia:	Equidae
Descripción
Equidae Gray, 1821

Os equidos (nombre cientifico Equidae) son una familia de mamiferos adintro d'a orden d'os perisodactilos que actualment no enclui sique un chenero vivo; Equus, y cualques altros prehistoricos. Os equidos actuals tienen as dients con coronas altas adaptatas ta paixentar-se d'a hierba d'estepas, praderas y semidesiertos, y as patas rematatas en un solo dido que tien un casco d'ungla firme. Gosan vivir en grupos de diversos eixemplars, por un regular gubernatos por un masclo adulto (lo solo masclo que puede reproducir-se) y diversas fembras con os suyos poltrez.

O chenero apareixó en Norteamerica en o pleistoceno, d'a on surtioron ta colonizar Sudamerica, Eurasia y Africa. Posteriorment, s'estinguioron en America d'o Norte dica la conquiesta d'os espanyols d'o sieglo XVI. Una caracteristica vestichial d'o chenero Equus ye la presencia de rayas en o pelache, que en o caso d'os caballos y somers tienden a mantener-se subliminals, pero que en as zebras se manifiestan amplament visteras.

As zebras son un grupo d'especies parafileticament denominadas asinas que, no obstante, diz que no tienen mes vinclos cheneticos d'entre ellas que con os somers y caballos. A unica caracteristica per a cual se denominan diferent d'os altros equidos ye la manifestación d'as rayas d'a suya piel. A parola "zebra" demena d'o portugués y significó orichinalment "fembra d'a encebra", zebro en a luenga lusa. As encebras yeran uns equidos salvaches d'a Peninsula Iberica en l'antiguidat y la edat meya, d'os cuals se'n fabla en muitos tractatos medievals de caza, y os cuals s'estinguioron enta part d'a vuelta de sieglo d'o XV enta lo XVI. Diz que os primers navegadors portugueses que arriboron enta lo sud d'Africa veyoron uns equidos de caracteristicas y midas parellanas a las fembras d'a encebra iberica, y d'ixa enchaquia en quitoron o nombre per o cual se conoixe popularment a os equidos rayatos d'Africa.

Especies

Zebras comuns (Equus cuagga).

• Equus caballus
• Equus asinus
• Equus africanus
• Equus hartmannae
• Equus hemionus
• Equus grevyi
• Equus quagga
• Equus zebra
• Equus hydruntinus †
• Equus ferus †
• Equus scotti †

Se veiga tamién

• Hippotigris, o subchenero d'as zebras.
• Mula

Vinclos externos

• Wikispecies tiene un articlo sobre Equidae.
• Se veigan as imáchens de Commons sobre Equidae.

• Datos: Q165115
• Multimedia: Equidae / Q165115
• Especies: Equidae