Equus ferus
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Tarpán | ||||||||||||||||
 Equus ferus | ||||||||||||||||
| ||||||||||||||||
| ||||||||||||||||
| Equus ferus | ||||||||||||||||
| Boddaert, 1785 | ||||||||||||||||
O tarpán (Equus ferus (Boddaert, 1785)) estió un caballo salvache d'Eurasia que lo suyo zaguero exemplar cativo morió en 1875 en o zoolochico de Moscú, anque altras fuents en han dito que poderba haber estato vivo bel altro dica 1918 u 1919 en Ucraína.
Esta especie, que prou a ormino a se considera o antipasau d'os caballos domesticos, estió bien trecruzata con una variedat polaca d'istos ta dar o «konik», una raza de caballo más baixeta y chicorrona que se conserva actualment y que por ixo sería emplegando-se, d'alcuerdo con bellos autors, ta reconstruir una raza de caballos que amostrase las trazas más dominants d'o tarpán.
Historia[editar | modificar o codigo]
O tarpan lo describió por a primer vegata Johann Friedrich Gmelin en 1774, que en haberba vistos exemplars en 1769 en a rechión de Bobrovsk, a man de Voronezh. En o 1784 Pieter Boddaert clamó a la especie Equus ferus, basando-se en a descripción de Gmelin. Sin de conoixer-ne cosa d'ixa descripción previa, Otto Antonius en espublicó lo nombre Equus gmelini en o 1912, refierto en as descripcions de Gmelin.
Actualment, una part d'investigadors consideran que lo caballo domestico, o Equus caballus de Linneu, sería lo descendient directo d'o tarpán; De feito, prou taxonomistas os consideran a mesma especie. Se se fese aplicación correcta d'o Codigo Internacional de Nomenclatura Zoolochica, o tarpán haberba d'estar clamato Equus caballus, y de prou más decir, si se considerase una subespecie, Equus caballus ferus. Sindembargo, por un regular os biologos han ignorato ixa norma y b'ha más tendencia a emplegar E. ferus ta referir-se a lo tarpan y ta privar de confusions con o suyo primo domestico (que recibe lo nombre d'E. caballus).
Caracteristicas[editar | modificar o codigo]
Os tarpans no yeran guaire grans, d'a mesma meda que un poni más que no d'un caballo adulto. Talment, con 130 u 140 cm d'alteros en a crucera d'o lumo. Teneban colors foscas, tordos u grisos por l'usual, con a capeza y las patas más fuscas encara. Diz que a crinera yera luenga y recia, alzata por alto d'a frent de l'animal, pero más luenga que no en o suyo primo lo caballo de Przewalski asiatico.
Bellas razas de caballos actuals, d'aspecto más de ponis que qualsiquier altra cosa, s'están emplegando ta recuperar os rasgos d'o tarpán. Os fenotipos d'estos animals recuerdan de qualques trazas d'os tarpans antiguos, y allora anque no s'estase recuperato de raso l'aspecto chenetico d'a especie, se pretende conseguir nuevos potrietz cada vegata más pareixitos a os antiguos caballos.
Imachens[editar | modificar o codigo]
Grabato d'o sieglo XVIII
Se veiga tamien[editar | modificar o codigo]
Vinclos externos[editar | modificar o codigo]
Wikispecies tiene un articlo sobre Equus ferus.
Se veigan as imáchens de Commons sobre o tarpán.- (en) Información y caracteristicas d'o tarpán
