Emys orbicularis

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Emys orbicularis
Un galapago europeu (Emys orbicularis).
Denominacions populars
galapago europeu, espata [1], tortuga d'arrigachuelo, tartuga d'estanyo
Estau de conservación

Vulnerable (IUCN)
Clasificación cientifica
Animalia
Chordata
Reptilia
Testudines
Emydidae
Emys
E. orbicularis
Descripción
Emys orbicularis
Linnaeus, 1758
Distribución cheografica
Distribución d'o galapago europeu.

O galapago europeu u tortuga d'arrigachuelo (Emys orbicularis (Linnaeus, 1758)[2]) ye una especie de tartuga d'a familia Emydidae que se troba en o centro y sud d'Europa, Asia occidental y en a zona mediterrania d'Africa.

Distribución en Aragón[editar | modificar o codigo]

A tortuga d'arrigachuelo en Aragón ye asociata a cursos de ríos y lacunas con aguas de calidat, no trobando-se en aguas contaminatas y con muitas algas. Se troba en o valle de l'Ebro, en a comarca de Cinco Villas, Plana de Uesca, o río Cinca, as lagunas d'Estanya y as poblacions mes coneixitas d'a Reserva Natural de los Sotos y Galachos del Ebro.[3]

Estato de conservación[editar | modificar o codigo]

Ye considerata como vulnerable en o Catalogo d'Especies Amenazatas d'Aragón, seguntes o Decreto 49/1995 d'o 28 de marzo, pero ye una especie de costumbres esquivas, por lo que a suya situación real ye desconeixita.[3] En zaguerías, istos animals son veyendo minguada la suya aria de distribución per a contaminación d'as aguas y per l'efecto desastroso d'as aliberacions de tartugas americanas d'a especie Trachemys scripta (galapago de Florida u tartuga d'orellas royas) que son cautivadas muit a sobén como animals de companyía pero cuan se fan grans s'aliberan irresponsablement en as zonas humidas. Istas especies, que tamién fan parte d'a familia d'as Emydidae gosan reproducir-sen mes que no as tartugas autoctonas y a mes, compiten con ellas per l'alimento.

Subespecies[editar | modificar o codigo]

Referencias[editar | modificar o codigo]

Vinclos externos[editar | modificar o codigo]