Animal de companyía

De Biquipedia
Ir ta: navego, busca
Iste articlo tracta sobre a mascota como animal. Ta o personache identificador animau de marketing, leiga mascota.
Nina con o suyo fox terrier

Un animal de companyía u mascota ye un animal domestico que tien a fin de fer companyía u ta o disfrute d'o poseyedor. A diferencia d'os animals de laboratorio, animals ta la crianza u bestiar, animals de tiro, animals ta o transporte u animals ta o esporte; os animals de companyía no se crían ta trayer beneficios economicos u alimenticios, encara que sí un beneficio personal.

Os animals de companyía son trigaus por o suyo comportamiento y adaptabilidat, y por a suya interacción con os humans, en a que posiblement se faigan servir como ferramientas de cazata u seguranza. Poseyer un animal de companyía puede trayer a la salut conseqüencias positivas ya que o cudiau diario fa ixuplidar a muitas personas unatro tipo de preocupacions, priva a depresión y nos fa sentir útils. Os animals de companyía mas populars son o can y o gato.

L'animal de companyía tamién se caracteriza por estar amigable: se puet decir que a mayoría d'istos animals esdevienen domesticos si a persona con a que conviven les amostra buenos modals en a convivencia diaria, no ixuplidando a suya naturaleza animal.

Historia[editar | editar código]

"Nina y o suyo can". [[ Joshua Reynolds]] (1780)

L'orichen d'a domesticación animal prencipia arredol de l'anyo 9000 aC en o succeso d'a evolución cultural humana conoixiu como revolución neolítica. Se prencipió a emplegar a os animals con propositos alimenticios, pero tiempo dimpués se descubrió que podeban estar utilizaus como ferramientas u companyers de cazata, adoptando una valura mas productiva como tals que como alimento. Os animals estioron constantment relacionaus con a identidat d'as diferents clases socials en a historia, ya que a capacidat economica permitiba poseyer valuadas y exoticas especies d'animals y plantas.

L'orichen d'a domesticación d'animals ye inexacto, pero se creye que prencipió quan o ser humano paró cuenta que amenistaba establir ligallos entre ell y a naturaleza ta a suya supervivencia y desembolique. S'estima que os cans, una d'as primeras especies animals domesticadas, han estau criaus como animals de companyía dende quasi fa 10.000 anyos. Arredol de l'anyo 3500 a.C prencipió a domesticación de gatos en Echipto

Salut[editar | editar código]

Can con a rabia

Efectos en a salut animal[editar | editar código]

Poseyer un animal de companyía ye traduciu a sobén como una adquisición de responsabilidatz en a que se l'ha de dar a l'animal tot lo que cal ta o suyo correcto desembolique. Ta o cudiau d'un animal de companyía s'amenista una correcta alimentación y un constant cudiau que le prive de qualques malotías, amás de cudiau medico y a imitación d'o suyo ambient natural

Efectos negativos en a salut[editar | editar código]

Entre os efectos negativos en a salut por causa d'un animal de companyía s'enumeran prencipalment as respuestas respiratorias y cutanias d'alerchias y asma. Unatro posible risgo ye l'ataque d'a especie que se tiene como animal de companyía (mosegadas, fizaduras, zarpazos, etc.). Tamién s'ha de parar cuenta en o miedeo u fobia enta determinadas especies que tienen bellas personas. Amás, pueden adquirir-se quantas malotías por patochenos transmesos a traviés d'o contacto animal, como a malotía por esgarranyada de gato, infeccions estomacals, a ornitosis adquirida por o contacto con qualques especies d'aus y a salmonelosis.