Depresión de Calatayú y Mont Albán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La depresión de Calatayú y Mont Albán ye un aria topograficament baixa adintro de lo Sistema Iberico y con la mesma dirección NO-SE entre un conchunto de sierras que bi ha a lo nord-este (sierra de la Virchen, sierra de Bicort, sierra Modorra, sierra de Peco, sierra de Cucalón, sierra de Mont Albán, ecetra) y un atro que bi ha a lo sudueste (sierra de Pardos, sierra de Santa Cruz, sierra de Lidón, sierra de la Costera, sierra de Sant Chust, ecetra).

Corresponde a una antiga cuenca sedimentaria que se plenó con materials terciarios^[1], y que dimpués de plenar-se fue afectada por procesos de tectonica distensiva (fundimiento de la fuesa de Daroca^[2]), y de captura fluvial^[3].

Encara que bel autor s'ha referiu a la depresión de Calatayú y Mont-albán como una fuesa tectonica, no en ye estrictament porque en cualques marguins bi ha contactos estructurals como cabalgamientos,^[4] diferents a las fallas que se'n podría esperar. En Mont Albán la depresión ye estreita y ye a lo norte d'un cabalgamiento de l'arco Portalrubio-Beceit, (arco que a pesar de lo nombre que en realidat contina dica Vandellós).^[5]

En descripcions cheograficas u cheolochicas locals recibe la denominación de "depresión de Calatayú" u "fuesa de Calatayú" en la part correspondient a la provincia de Zaragoza y "depresión de Mont-albán" u "fuesa de Mont Albán" en la part correspondient a la provincia de Teruel^[4]. La part correspondient a la compleganza alta de La Uerba corresponde a la comarca natural de Campo Romanos. Lo sector d'esta depresión en la redolada de Mont Albán ye la fondada de Martín-Cabra.^[6]

Referencias

↑ (es) Eduardo Viñuales Cobos (coordinador): Red natural de Aragón. nº 18, Jiloca Prames, 2007. p 17.
↑ (es) F.J Gracia Prieto: Tectónica pliocena en la Fosa de Daroca (prov. de Zaragoza). Geogaceta, 11, 1992. pp 127-129.
↑ (es) Prensa Diaria Aragonesa: Los ríos de Aragón. El Río Huerva. El Periódico de Aragón, Diputación General de Aragón, 2005, p 52
↑ ^4,0 ^4,1 (es) Jose Luís Peña Monne et al. : Geomorfología de la Provincia de Teruel. Instituto de Estudios Turolenses, 1984. p 77.
↑ (es) Marcos Aurell Cardona, Beatriz Bádenas, Antonio Casas Sainz, Santiago Alberto Moralejo: La geología del Parque Cultural del río Martín. Colección Parque Cultural del río Martín. Zaragoza, 2011. p 64.
↑ (es) Julián M. Ortega Ortega, José Luís Ona González: Montalbán: Guía de monumentos, paisajes, fiestas y servicios turísticos, Instituto de Estudios Turolenses, Teruel, 2002. pp. 58-59.

Bibliografía

(es) Jose Luís Peña Monne et al. : Geomorfología de la Provincia de Teruel. Instituto de Estudios Turolenses, 1984.
(es) Marcos Aurell Cardona, Beatriz Bádenas, Antonio Casas Sainz, Santiago Alberto Moralejo: La geología del Parque Cultural del río Martín. Colección Parque Cultural del río Martín. Zaragoza, 2011.
(es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000.

Se veiga tamién

Datos: Q20614175

[REFERENCEA-1] (es) Eduardo Viñuales Cobos (coordinador): Red natural de Aragón. nº 18, Jiloca Prames, 2007. p 17.

[GEOGACETAFUESADAROCA-2] (es) F.J Gracia Prieto: Tectónica pliocena en la Fosa de Daroca (prov. de Zaragoza). Geogaceta, 11, 1992. pp 127-129.

[XALONYAF-3] (es) Prensa Diaria Aragonesa: Los ríos de Aragón. El Río Huerva. El Periódico de Aragón, Diputación General de Aragón, 2005, p 52

[GEOMORFOLOGIATERUEL-4] 4,0 ^4,1 (es) Jose Luís Peña Monne et al. : Geomorfología de la Provincia de Teruel. Instituto de Estudios Turolenses, 1984. p 77.

[CHEOLOCHIAPARQUEMARTIN-5] (es) Marcos Aurell Cardona, Beatriz Bádenas, Antonio Casas Sainz, Santiago Alberto Moralejo: La geología del Parque Cultural del río Martín. Colección Parque Cultural del río Martín. Zaragoza, 2011. p 64.

[MONTALBAN-6] (es) Julián M. Ortega Ortega, José Luís Ona González: Montalbán: Guía de monumentos, paisajes, fiestas y servicios turísticos, Instituto de Estudios Turolenses, Teruel, 2002. pp. 58-59.

[1]

[2]

[3]

[4]

[5]

[6]