Dar es Salaam

De Biquipedia
Ir a la navegación Ir a la búsqueda
Dar es Salaam
دار السلام
Localidat de Tanzania
Dar es Salaam
Dar es Salaam
Estau
 • Rechión
Flag of Tanzania.svg Tanzania
Dar es Salaam
Superficie 162,50 km²
Población
 • Total

4364541 hab. (2012)
Altaria
 • Meyana

55 m.
Codigo postal 10000–19999
Coordenadas
Dar es Salaam ubicada en Tanzania
Dar es Salaam
Dar es Salaam
Dar es Salaam en Tanzania

Dar es Salaam (en arabe دار السلام ; antigament Mzizima) ye una ciudat de Tanzania, que ye a mayor ciudat d'o país, o suyo principal centro economico y a suya antiga capital (hue a capital ye Dodoma, dende 1973).

A suya población ye de 2.456.100 habitants (2005) en una superficie de 162,50 km², con una densidat de población de 15.114,46 hab/km².

Dar es Salaam ye a l'este d'o país, a o canto de l'Ocián Indico, y a mayor parte d'os suyos habitants son de relichión islamica.

Historia[editar | modificar o codigo]

O primer europeu en plegar ta a ciudat estió l'alemán Albert Roscher, plegato en 1859 dende Hamburgo.

En 1866 o soldán de Zanzíbar Seyyid Madjid cambeó o nombre d'a ciudat ta l'actual, que significa a casa d'a paz. Dimpués d'a suya muerte en 1870 a ciudat esmorteció, dica a plegata d'a Companyía Alemana de l'Africa Oriental, que bi establió una factoría. A ciudat esdevenió a capital d'a colonia de l'Africa Oriental Alemana.

Mientres a Primera Guerra Mundial, os Aliatos conquerioron l'Africa Oriental Alemana, que esdevenió dimpués d'a guerra a colonia britanica de Tanganyika, y Dar es Salaam continó estando a capital d'a colonia.

En 1961 o Reino Uniu concedió a independencia a Tanganyika, y en 1964 iste país s'unificó con Zanzíbar ta formar a clamata Tanzania. Mientres istos cambios, Dar es Salaam continó como capital, dica 1973, en que a capital administrativa se tresladó ta Dodoma, en o interior d'o país.

Vinclos externos[editar | modificar o codigo]