Cuenca de Graus-Tremp
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Pa la subcomarca natural de Pallars, se veiga Cuenca de Tremp.
La cuenca de Graus-Tremp ye una cuenca sedimentaria formada en lo sinclinal de Tremp, principal estructura cheolochica de la lamina cabalgant de Montsec.[1] Estió activa en lo Terciario.
Lo sinclinal de Tremp tiene una dirección WNW-ESE, presenta adintro atros plegos (por lo que puede estar considerau de sinclinorio), y cuatro familias de fallas normals.
La manifestación topografica actual d'esta cuenca sedimentaria antiga ye una depresión que desparte las sierras interiors a lo norte y las sierras exteriors pirenencas a lo sud:[2]
Sierras interiors a lo norte de la cuenca de Graus-Tremp:
- Turbón.[3]
- Sierra de Cis.[2]
- Sierra de Berganui.
- Sierra de Tercui.[2]
- Sierra de Sant Cosme.[2]
- Sierra de Santa Engracia.[2]
- Sierra de Montllobar.[2]
- Sierra de Rocamola.[2]
- Sierra de Gurb.[2]
- Sierra de Sant Salvador.[2]
- Sierra de Set Comelles.[2]
- Sierra de Sant Gervás.[2]
- Sierra de Peracalç.[2]
- Sierra de Sant Corneli.[2]
- Sierra de Carreu.[2]
- Sierra de Sant Joan.[2]
- Sierra de Boumort.[2]
- Sierra de Cuberes.[2]
- Sierra de Prada.[2]
- Sierra de las Planas.[2]
- Sierra de Montcau.[2]
Sierras exteriors a lo sud y este de la cuenca de Graus-Tremp:
- Sierra Mitjana.
- Sierra d'Aubenç.[2]
- Sierra de la Conca.[2]
- Sierra de Comiols.[2]
- Sierra de Cucut.[2]
- Sierra d'el Montsec.[2]
- Sierra de Chiribeta.
- Sierra d'el Castell de Llaguarres.[2]
- Sierra de Torón.[2]
La sierra d'Esdolomada ye clasificada por bel autor como una sierra interior,[2] manimenos ye feita de materials terrichenos de la depresión de Graus-Tremp.
Lo río Noguera Pallaresa desparte la Conca Deçà a la dreita y la Conca Dellà a la ezquierda.
Historia cheolochica
[editar | modificar o codigo]A zaguers de lo Cretacio y a primers de lo Paleocheno l'orocheno pirenenco encomenzaba a levantar-se devez que bi heba una cuenca d'antepaís meridional orientada de Este a Ueste, la cuenca sudpirenenca.
Un río gran de cauz meandriforme recorreba esta fosa en dirección a la suya boquera en l'actual País Basco, y recibiba l'augua y los sedimentos terrichenos de los tributarios que baixaban dende las sierras pirenencas que se plegaban y s'incorporaban progresivament a las laminas cabalgants de las napas tectonicas. Mientres que en la cuenca de Chaca-Pamplona sedimentaban las turbiditas que actualment son vistables como lo flysch en la cuenca de Graus-Tremp sedimentaban materials terrichenos y de plataforma.
La lamina mas antiga de la redolada ye la de Boixols-Turbón, que d'acuerdo con los almendrons y las discordancias progresivas ligadas a los anticlinals de lo suyo cabalgamiento basal, se formó en lo Campanián-Maastrichtián (Cretacio tardano).
Los materials terrichenos de l'Eoceno inferior de la cuenca d'Ager indican cuan se formó lo cabalgamiento basal de la lamina cabalgant de Montsec, y se sabe por lo almendrons que en l'Eoceno superior bi habió una reactivación.
En conchunto lo movimiento de las napas tectonicas fizo que toda la cuenca sudpirenenca fues transportada enta lo sud y despartida de la depresión d'Ebro por las sierras exteriors pirenencas a traviés de lo gran cabalgamiento frontal de la napa de Gabarnia, a la que se superposó la de Montsec con la cuenca de Graus-Tremp dencima como una cuenca de piggy-back.
Cuan colisionó la microplaca iberica con la placa euroasiatica s'aturó la subducción y lo movimiento de las napas tectonicas, l'orocheno pirenenco continó levantando-se y los cursos fluvials prenioron un rechimen torrencial a causa d'un desnivel creixient. Los torrents u barrancos deixoron sedimentos terrichenos en ventallos aluvials que plegoron a achuntar-sen formando un semontano d'almendrons que cubrioron los anteriors sedimentos fluvials.[4] Los almendrons d'estos ventallos fluvials son homologos de los que formoron Montserrat a l'este y los mallos de Riglos a l'ueste.
Referencias
[editar | modificar o codigo]- ↑ (es) Antonio Barnolas Cortinas et al. Evolución sedimentaria entre la cuenca Graus-Tremp y la cuenca de Jaca- Pamplona. I Congreso Español del Terciario Número 1 de Libro-guía excursión. Editor: Eumo, 1991.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 2,15 2,16 2,17 2,18 2,19 2,20 2,21 2,22 2,23 2,24 2,25 2,26 2,27 2,28 2,29 2,30 (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, pp 289-292.
- ↑ 3,0 3,1 (es) Antonio Higueras Arnal (coordinador): Geografía de Aragón Tomo I. Editorial Guara. pp 36-38.
- ↑ (es) Eumenio Ancochea Soto, Francisco Anguita Virella, Fernando Moreno Serrano: Geología Procesos Externos. Editorial Edelvives, 1990. pp 83.
Bibliografía
[editar | modificar o codigo]- (es) Ánchel Belmonte Ribas: Guía Geológica del Pirineo, Editorial Pirineo.
- (es) Mariano Marzo Carpio, Salvador Reguant Serra, Xavier Barberà: Estratigrafía del Grupo Fígols (Cuenca de Graus-Tremp,NE de España). Publicau en: Revista de la Sociedad Geológica de España, ISSN 0214-2708, Vol. 10, Nº 1-2, 1997, pp. 67–82.
- (es) Xavier Barberà, Mariano Marzo Carpio, Salvador Reguant Serra, Josep Serra i Kiel, J. M. Samsó, Josep Tosquella Angrill: Estratigrafía del Ilerdiense en la región de Tremp (cuenca de Graus-Tremp, NE de España). Publicau en: Geogaceta, ISSN 0213-683X, Nº. 20, 1, 1996, pp. 73–76.
| Control d'autoridaz |
|
|---|
Datos: Q110100232