Calabaza

De Biquipedia
(Reendrezau dende Crapaza)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Calabazas.

A calabaza[1] (nombre mas estendillau en o dominio aragonés[2]), u en ribagorzano carbaza[3][4] (que en benasqués se pronuncia "carbasa"[5]) ye una baya de tipo peponide que ye o fruito caracteristico d'as matas domesticas d'o chenero Cucurbita, que se dice por lo común «calabaceras», u «carbaceras»[3] en ribagorzano.

A mas d'ixes nombres, que son os de distribución mas ampla en l'Alto Aragón, se'n documenta localment atros en aragonés como crapaza en Fanlo y Sercué (val de Vio),[2] calapaza en Buesa (val de Broto),[2] carabaza y clabaza.[2] En a suya tesi De quelques affinités phonétiques entre l'aragonais et le béarnais, W. D. Elcock deixa entender que as formas con -P- d'esta palabra, que son exclusivas d'as vals mas remotas de l'alto Sobrarbe, se producen porque en ixes puestos tamién se dice «crapa» a l'animal que en atros puestos ye una «craba»,[2] esistindo una connexión fonetica entre as dos voces.

As especies principals d'as que s'obtiene calabazas son Cucurbita moschata, C. maxima y C. pepo. Todas son plantas de regano, si bien as calabaceras son matas prou rusticas y se'n puede trobar casos a-saber-los que en ha medrau bordes u lo menos sin gota de riego. A mida d'a calabacera cuan ye de tot desarrollada, que fa uns cuantos metros, la fa poco consellable de plantar en hortals chicoz. Además, a mata s'enfila y con o peso que gosa fer puede llegar a capuzar una barana de malla metalica si no se para cuenta.

Imáchens[editar | modificar o codigo]

Se veiga tamién[editar | modificar o codigo]

Referencias[editar | modificar o codigo]

  1. MONEVA y PUYOL, Juan, Vocabulario de Aragón; Institución «Fernando el Católico» + Prensas Universitarias de Zaragoza + Xordica Editorial. Zaragoza, 2004. ISBN 84-88920-97-0
  2. 2,0 2,1 2,2 2,3 2,4 ELCOCK, William Dennis, Algunas afinidades fonéticas entre el aragonés y el bearnés; Prensas Universitarias de Zaragoza + Xordica Editorial. Zaragoza, 2005. ISBN 978-84-96457-09-5. Pág. 71.
  3. 3,0 3,1 ARNAL PURROY, Mª Luisa, Diccionario del habla de la Baja Ribagorza Occidental -Huesca-; Institución «Fernando el Católico» + Gara d'Edizions. Zaragoza, 2003. ISBN 84-8094-052-2
  4. MASCARAY SIN, Bienvenido, Vocabulario del habla de Campo (Ribagorza, Huesca); Prensas Universitarias de Zaragoza + Xordica Editorial. Zaragoza, 2013. ISBN 978-84-96457-87-4
  5. BALLARÍN CORNEL, Ángel, Vocabulario de Benasque; Institución «Fernando el Católico», 1971.