Celina

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O pantasma encara vive hue en l'albergue.

Celina ye un pantasma que encara recorre as cambras de l'albergue chovenil d'o Pueyo de Tena, antiga residencia de verano d'os contes d'a Viñaza. Se diz que s'apareixe con un trache de seda blanca tocando l'antigo piano.

Celina yera una institutriz que treballaba ta os contes. Un día, cuan yera fendo una gambada por os arredols d'o río Caldarés con os dos fillos d'os contes os ninos s'amanoron ta o río y se'n cayoron ta l'augua en un puesto a on que gosaba haber-ie gorgas. En veyer que os ninos s'afogaban, Celina se'n chitó ta l'augua ta mirar de quitar-los, pero s'afogoron os tres ya que o vestito de Celina s'enganchó a una roca y no podió salir-ne. Dende allora se diz que os esprito d'a institutriz contina dondiando por o viello palacet.

Atra versión diz que Celina yera a contesa, a muller d'o conte, y que estió una misteriosa loira qui la chitó ta l'augua. A verdat ye que en o periodico chaqués "El Pirineo aragonés" amanixió o 28 d'agosto de 1898 a noticia de que s'heban afogato en o Caldarés o sobrino d'o conte d'a Viñaza y a suya institutriz.

En as fiestas patronals d'o Pueyo se pencha toz os anyos en a Plaza Mayor un monyaco, a qui dicen Celina, que se fa cremar o zaguer día de fiestas.

Bibliografía

• Breve inventario de seres mitológicos fantásticos y misteriosos de Aragón. Chema G. Lera. Prames. ISBN 978-84-8321-268-4

Vinclos externos

• (an) Vidio en que un hombre d'o lugar recenta a historia (menuto 2:37).
• (es) Historia de Celina.
• (es) Pachina de l'albergue.

• Datos: Q13048695