Carrascal montán

De Biquipedia
Ir a la navegación Ir a la búsqueda

O carrascal montán u Quercetum mediterraneum montanum ye un tipo de carrascal tipico de montanyas prelitorals catalanas y de bell punto d'os Pireneus y Prepireneus orientals por un regular en altarias compresas entre os 700 y 1200 con suelos silicosos u calsinosos en proceso de descarbonatación on no se podrán desembolicar os caixicos Quercus faginea y Quercus humilis y con clima prou xuto pa Fagus sylvatica y prou frido pa Quercus suber y Quercus canariensis.

A estructura y composición floristica ye intermeya entre as selvas caducifolias y las esclerofilas. Se diferencia d'o carrascal litoral en que o predominio d'a carrasca Quercus ilex ilex ye menor podendo haber-ie arbols como l'acirón Acer opalus, a cerollera Sorbus domestica, a moixera Sorbus aria, o pin Pinus sylvestris, ecetra..O matical ye menos denso que en o carrascal litoral y lo estrato herbacio ye denso rico en especies a diferencia d'o carrascal litoral.

En o matical bi ha mezcla d'especies caducifolias y perennifolias. Coincide con o carrascal litoral en a presencia de Viburnum tinus y Phyllirea media, mancando-ie os arbustos més termofilos como Pistacia lentiscus y a tuca Smilax aspersa. Coincide con as selvas caducifolias d'a mán en a presencia de senera y a barza rubus ulmofolius. En o estrato subarbustivo bi ha especies d'o carrascal litoral como o rusco y a rubia, pero Daphne gnidium ye sustituita por Daphne laureola.