Carrascal litoral

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O carrascal litoral u Quercetum gallo provinciale ye una formación forestal dominata por a carrasca Quercus ilex ilex que representa a vechetación potencial d'os territorios a man d'a costa en a Provenza, Lenguadoc y sector Vallesán-Ampurdanés de Catalunya.

O estrato arborio ye monoespecifico y formato por arbols d'a carrasca Quercus ilex ilex. En o matical bi ha dos estratos arbustivos, uno de 2–3 m con Viburnum tinus, Rhamnus alaternus, Arbutus unedo, Pistacia lentiscus, ecetra.. y unatro con 1 m u menos: con arbustos como Ruscus aculeatus y plantas lianoides u enreligaderas u tipo tuca como Asparragus acutifolius, Rubia peregrina, Clematis flammula, Lonicera implexa, Smilax aspera y Rosa sempervirena

O estrato herbacio ye pobre por a espesura d'os estratos superiors. Bi ha una especie de felequera, Asplenium nigrum onopteris. A vegatas o suelo puet estar cubierto por hiedra que escala árbols y en zonas prou humidas y frecas bi ha violas d'a especie Viola alba.