Camarón
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Camarón | |
| Despoblau medieval d'Aragón | |
| Entidat • País • Provincia • Comarca • Municipio |
Despoblau medieval Aragón.svg){kind=small} TeruelBaixo Aragón Lo Mas de las Matas |
| Partiu chudicial | Alcanyiz |
| Población • Total |
0 hab. |
| Distancia • 1 km |
enta lo Mas de las Matas |
| Parroquial • Diocesi • Arcipestrau |
Teruel y Albarracín Alcorisa |
| Coordenadas | |
Camarón ye un despoblau medieval situau en l'actual termin municipal de Lo Mas de las Matas, en la comarca de lo Baixo Aragón y en la provincia de Teruel.
Toponimia
[editar | modificar o codigo]Existe la hipotesi toponimica que fa remontar lo toponimo Camarón a partir de lo latín CAMERINUM suposando que estió una fundación romana con colonos italos provinients de la redolada de la ciudat homonima CAMERINUM de la Umbría. Actualment bi ha una partida en lo Mas de las Matas dita Camarón.
Atra hipotesi lo relaciona con lo celta *CAMBOS ("curvau"), con sufixo -ón y r epentetica. N'este caso se relacionaría con la palabra de la Ribera Alta de l'Ebro cama (part d'un campo que queda sin labrar entre un sulco y a muga).[1]
Historia
[editar | modificar o codigo]Camarón estió un nuclio important de población mientres lo periodo de dominación musulmana. Fue reconquiesto definitivament en l'anyo 1169 por los calatravos d'Alcanyiz. Chusto dimpués de la suya reconquiesta definitiva los reis Alifonso II y Pero II reconoixioron Camarón como propiedat de Don Arnal Palacín. En l'anyo 1185 Alifonso II donó Camarón y atros lugars de la redolada a l'arcebispe de Tarragona pa que los repoblase, con lo que vinioron repobladors catalans, de qui descienden los que charran l'actual catalán de lo Mezquín y Guadalop:
En l'anyo 1194 Alifonso II concedió Carta de población a Camarón, fendo mención de los suyos termins:
Dimpués se convertió en una propiedat de los Blasco d'Alagón. Entre los sieglos XII y XIII Camarón se debió despoblar a causa de la suya posición de muga conflictiva entre cristianos aragoneses y Al-Andalus. Manimenos la conquiesta de Moriella en 1232 remató con este periodo d'inestabilidat, pero tamién con la suya valgua estratechica.
En lo sieglo XIII Camarón ye mencionau como muga en textos referents a donacions territorials en lo norueste de lo termin de Moriella, y se sabe que beluns de los pocos repobladors de las propiedaz entre Camarón y Moriella yeran de Montblanc.[2] Camarón continó estando a cabeza d'un amplo termin que abracaba los actuals termins de lo Mas de las Matas, Auguaviva, La Chinebrosa, la Canyada de Verich, y la Cerollera y que se confirmó en un texto de delimitación de 1260 establida entre lo comandador d'Alcanyiz y Blasco II d'Alagón escrito en aragonés.:
Camarón figura en lo testamento de Blasco II d'Alagón de 1272 chunto con Bunyuel, Aumicidiel, y la Pobla de la Chinebrosa y fue heredau por lo suyo fillo Artal IV d'Alagón. Este testamento de 1272 ye una de las primeras mencions a La Chinebrosa, que yera recient fundada.
En l'anyo 1295 Artal IV d'Alagón permutó estas propiedaz por biens de los templers de Castellot. La Chinebrosa recibió una segunda carta puebla en l'anyo 1291 en la que se li adchudicaban los anteriors termins de Camarón, que ya heba quedau eclixau como principal nuclio de población. Encara se cita a Camarón en un texto de lo 24 de marzo de 1480:
Manimenos a fins de lo sieglo XV se produció una concentración de población arredol d'un mas u un chitot clapo u corro de mases que se convertió en un nuevo lugar dito Lo Mas de las Matas muito amán de las enrunas de Camarón. En un texto de lo 24 de chinero de 1533 encara se refieren a Lo Mas de las Matas como masadas de las casas de Camarón, termino del lugar de la Ginebrosa. En lo texto de deseparación de lo Mas de las Matas y Auguaviva con respecto a La Chinebrosa de 1611 se menciona Camarón ya como una simpla partida que s'adchudica a lo Mas de las Matas.
Referencias
[editar | modificar o codigo]- ↑ (es) Juan Antonio Frago Gracia: Toponimia navarroaragonesa del Ebro (IV): Orónimos ISSN 0210-5624, Vol. 30-31, 1982 , pachinas. 23-62 [1]
- ↑ Antonio Martín Costea Nuevos datos históricos sobre la villa medieval de Camarón. Grupo de estudios masinos, n VI 1986. p 41
Bibliografía
[editar | modificar o codigo]- Antonio Martín Costea: Nuevos datos históricos sobre la villa medieval de Camarón. Grupo de estudios masinos, n VI 1986.
- Pilar Pueyo Colomina ‘’Documentos notariales actuados por habitantes de Mas de las Matas en la primera mitad del siglo XVI’’. Grupo de estudios masinos, n VI 1986. pp 51-84
- Grupo de Estudios Masinos ‘’Documento: Concordia de la Ginebrosa, Aguaviva y Mas de las Matas: año 1611. Grupo de estudios masinos, n VI 1986. pp 85–218
| Lugars desapareixitos de lo municipio de lo Mas de las Matas | |
|---|---|
| Camarón | Cazabaret |
| Control d'autoridaz |
|
|---|
Datos: Q28308612