Cabezo de Burrén

De Biquipedia
Ir a la navegación Ir a la búsqueda
Cabezo de Burrén
2teticas85.JPG
Cabezo Burrén a la cucha
Situación
Situación Flag of Aragon.svg Frescano, Zaragoza
Latitut
Lonchitut
Vértiz cheodesico 32122
Cheografía
Cordelera Depresión d'Ebro
Sierra {{{sierra}}}
Macizo {{{macizo}}}
Altaria 433 m
Primera puyada
Ruta mas fácil
Mapa
Sistema Ibérico.png
Montanya.svg

O Cabezo de Burrén ye un pueyo de 433 metros d'altaria que chunto con l'amanada Burrena (423 m) son conoixius popularment como Los Pezones[1] u Las Dos Teticas. Se troba situau en o termin municipal de Frescano, amán d'a carretera entre ista localidat y Mallén. En a suya cima bi ha un vértiz cheodesico.

Baixo os pueyos se troban dos chacimientos arqueolochicos d'a Edat de Fierro perteneixients a la Cultura d'os campos d'urnas.[2] Istos puestos han estau declaraus Bien d'Intrés Cultural en o rechistro de patrimonio d'o Menisterio de cultura espanyol.

Istos monts son antepueyos[3] visibles en o paisache plan d'o norte d'a comarca de Campo de Borcha.

Toponimia[editar | editar código]

L'oronimo Burrén ye interpretau por Juan Antonio Frago Gracia como d'orichen prerromán y relacionau con un lexema BUR- orichinador d'a radiz vasca buru, que amás de significar "cabeza" puede significar "cima".[1]

Encara que exista a denominación conchunta de Los Pezones, a primers d'o sieglo XVII se documenta Os cabeços de Burrén en a obra d'o portugués João Batista Labanha.

Bi ha mencions en aragonés medieval de Burrén por estar a pedrera papal de Burrén l'orichen d'as piedras que s'emplegaban pa fer una capiella en a Seu de Sant Salvador de Zaragoza y tamién l'orichen de qualcunas d'as piedras que facioron servir pa reconstruir o Puent de Piedra de Zaragoza en l'anyo 1405:[4]

havemos feyto tallar en Burren ciertas piedras, las quales han de venir al rio de Ebro con carretas porque viengan en barchas a la ciudat

Referencias[editar | editar código]

  1. 1,0 1,1 (es) Juan Antonio Frago Gracia: Toponimia del Campo de Borja. Estudio lexicológico. Institución Fernando el Católico, p 55.
  2. (es) Burrén. Parque Arqueológico de la Primera Edad del Hierro en Frescano
  3. (es) Francisco Pellicer: Formas de relieve del centro de la depresión del Ebro. Institución Fernando el Católico. 1989 pp 63-64.
  4. (es) María Teresa Iranzo Muñío: El puente de Piedra de Zaragoza en la baja edad media; la culminación de un proyecto ciudadano Artigrama, núm. 15, 2000.

Vinclos externos[editar | editar código]