Barca

De Biquipedia
Ir ta: navego, busca
Barca.

Una barca[1] ye un vehiclo feito ta navegar y que por un regular ye de dimensions más chicotas que un barco. A etimolochía ye d'a parola latina barca con o mesmo significato.

Una barca ye qualsiquier construcción capable de flotar y de desplazar-se por dencima de l'augua gracias a un sistema de propulsión. S'emplega ta o transporte de presonas u cosas y ta desarrollar actividatz como a pesca u esportes como a vela u o cayac. As embarcacions pueden estar grans u chicotas, de qualsiquier material (fusta, metal, plasticos, ...). As barcas pueden mober-sen por l'acción humana con remos, por l'aire con velas, con combustible gasoil u gasolina y un motor d'explosión u con motor electrico. L'augua sobre la que se mueven puet estar la de lacos, ríos, mars, ecetra.

A invención d'as embarcacions cal situgar-la en o neolitico, as primeras naus que trescruzoron as auguas yeran utilizatas ta la cazata y a pesca. A un simple tronco li debioron seguir as embarcacions feitas con chuncos u canyas. As protoembarcacions más antigas (de bells 10.000 anyos) descubiertas en as excavacions arqueolochicas fuoron tallatas con ainas de piedra a partir de troncos d'árbols rasinosos.

As embarcacions han estato presents en a vida d'os hombres dende bien antigo, han estato indispensables ta o transporte y o comercio, a pesca, as guerras y as conquiestas, as grans exploracions, as colonizacions, a difusión d'a cultura, d'os conoiximientos y d'as malautías.

Qualsiquier embarcación tien una serie d'elementos constitutivos que gosan estar presents independientment d'a mida. Un casco, por un regular solido, que asegura que pueda flotar sobre l'augua y que a vegatas puet estar zarrato por a parti superior; un sistema de propulsión y a sobén un sistema direccional.

Referencias[editar | editar código]

  1. (es) Fernando Zulaica Palacios: Mercados y vías fluviales: El Ebro como eje organizador del territorio e integrador de la economía aragonesa en los circuitos europeos. Aragón en la Edad Media, n XIII, 1997 p 94-98

Se veiga tamién[editar | editar código]

Vinclos externos[editar | editar código]