Val de Tena

Val de Tena
Anvista d'a val de Tena
Administración
Estau
País	Aragón
Comarca	Alto Galligo


Cabecera	Sallent
Capital	O Pueyo de Tena (tradicionalment)
Localidaz	{{{localidatz}}}
Chentilicio	Tensino/a^[1]
Cheolochía
Acceso
Ríos	Río Galligo
Largaria
Orientación	Norte-Sud
Cheolochía
Tipo	Val glacial
Macizo	Pireneus
Mapa

A val de Tena se troba en a vesant sud de lo Pireneu, en a comarca de l'Alto Galligo y la trescruza o río Galligo de norte ta sud. Bi ha dos entibos en o río: o de Lanuza y o de Búbal. O estreito Closura u de Santa Elena sinyala la dentrata en a val dende a Tierra de Biescas. Ye comunicata con a val d'Osal, en o Biarn, por o puerto d'o Portalet d'a Nieu.

Os lugars d'a Val son O Fornigal, Sallent de Galligo, Lanuza, Escarriella, Pandicosa, O Pueyo de Tena, Sandiniés, Tramacastiella, Piedrafita, Oz de Tena, Búbal, Saqués y Polituara.

A suya economía ye tradicionalment ganadera con bella cosa d'agricultura y actualment tamién s'alaceta en o turismo, sobre tot relacionato con a nieu, y en os recursos hidroelectricos.

Ye rodiata de monts de mas de 3.000 metros, como son o pico Moros, Vachimanya u Os infiernos.

O chentilicio d'a val ye tensino/a, igual como lo dialecto de l'aragonés que charran os suyos habitants.

División administrativa tradicional

Dica 1836 a val se trestallaba oficialment en tres quinyons estando Sallent a unica villa y capecera d'a val:

Quinyón de Sallent: formato por as localidaz de Sallent y Lanuza.
Quinyón de Partacua: formato por as localidaz de Escarriella, Tramacastiella, Sandiniés, Piedrafita, Saqués y Búbal.
Quinyón de Pandicosa: formato por as localidaz de Pandicosa, O Pueyo y Oz.

A Chunta Cheneral d'a Val de Tena yera la institución que s'encargaba d'os afers entre os distintos quinyons. A suya seu yera en as Casas d'a val, en O Pueyo, capital administrativa d'a val.