Arcedo

Arcedo
Localidat d'Espanya
Estato  • Comunidat  • Provincia  • Comarca	Espanya Aragón? País Valencián? Teruel? Castellón? Gúdar-Chabalambre? Alto Mayestrato? L'Alcalatén?
Población  • Total	0 hab.

Arcedo u Arcediello estió un lugar disputau entre lo concello de Teruel y lo Reino de Valencia. No se sabe bien a on yera, pero talment siga en l'actual termin municipal de Mosqueruela.

Historia

Lo 5 d'octubre de 1203 Pero lo Catolico donó a Arnau de Palacín lo castiello de Bos u Val d'Ursera y fan mención d'una Açeneda:

de Penna Golosa usque ad Fossas de Meo Cide, de Fossas de Meo Cide usque ad rigum Sicum de illa Moscarola et sicut tenet rigus Sicus usque ad Focem de Campo de Açeneda, et de Osea

Arcediello ye un toponimo referiu a un lugar entre Teruel y Castellón conquiesto ya en 1216 por lo rei Sancho lo Fuerte de Navarra chunto con Aledo, Olocau, Mallo, Penya d'Aranyonal y Puertomingalbo.

En 1213 quan lo rei Pero lo Catolico donó lo castiello de Cuella a los templers citan una Arzeda:

et ex alia parte usque Xodos et inde an Pinnam Gulosam, toto campo de Arzeda intus stante sicut rivus siccus ipsum dividit

En 1251 ye citau como arzedolo quan Guillem d'Anglesola dió carta de población a Vistabella:

et de Penna Rubea ascendit usque ad Talayam altam que est inter locum qui vocatur Arçedol et castro de Boyo, et de Talaia alta vadit serra serra vadit ad Monteleoni, et de Monteleoni vadit ad Arçedolum, et de Arçedolo vadit carraria carraria usque in fundo de illo loco vocatur Mosquerola

Arcedo podió estar en las marguins de lo río Monleón, y s'ha pensau que podió corresponder con l'actual santuario de la Virchen de la Estrella.

En 1261 la versión de lo "Fuero de Valencia" indica Arçedo como una de las mugas de lo Reino de Valencia:

axí com parteix ab Montroyg, e ix al riu de les Truytes, que és prop de la Gleziola; e axí com va a Arçedo e a Ledo, los quals son dintre el dit regne; e axí com va a la Musquerola

Seguntes Arcadi García y Germà Colon Arçedo yera un lugarón huei desapareixiu de lo termin de Villafranca. Como ya se sabe una remodelación posterior de las mugas dixó uns quantos lugars mencionaus como mugas de lo Reino de Valencia adintro de las mugas de lo concello de Teruel, que acceptó que Exerica, Lo Toro y Pina quedasen en lo Reino de Valencia.

Toponimia

Encara que ye tentador relacionar-lo con l'acirón (chenero Acer) con lo significau de selva d'acirons u aceral, no ye seguro porque tamién se pareix a "arto", "Artieda" y porque arce ye castellán y en aragonés de la zona l'acirón se deciba yera "ácer(e)".

Bibliografía

• (es) Enric Guinot: Els límits del regne, el procés de formació territorial del País Valencià medieval (1238-1500). Edicions Alfons El Magnànim. 1995.