Alastuei
| Alastuei Alastuey | ||
| Entidat local menor d'Aragón | ||
| ||
 | ||
| Entidat • País • Provincia • Comarca • Municipio |
Entidat local menor Aragón.svg){kind=small} UescaChacetania Bailo | |
| Partiu chudicial | Chaca | |
| Superficie | 15,2 km² | |
| Población • Total • Densidat |
14 hab. (2023) 0,92 hab/km² | |
| Altaria • Meyana |
826 m. | |
| Codigo postal | 22760 | |
| Chentilicio | Fonguero. -a | |
| Parroquial • Diocesi • Arcipestrau • Parroquia |
Chaca Chaca-Berdún Sant Miguel Arcánchel | |
| Coordenadas | ||
| Web oficial | ||
Alastuei (Alastuey en castellano) ye un lugar aragonés perteneixent a lo municipio de Bailo, en a comarca d'a Chacetania y provincia de Uesca, definiu como entidat local menor.[1] Fa parte d'o partiu chudicial de Chaca.
A suya población yera de 14 habitants en 2023.
Toponimia
[editar | modificar o codigo]Seguntes Agustín Ubieto Arteta, os nombres documentaus d'o lugar son Alastuey, Alastue (1090) y Alastus, y la suya primera cita ye en 987, en o Cartulario de Sant Chuan d'a Penya.[2] En o Libro del Reparo del General de 1489-1491 s'escribe Alastue.
Seguntes Ramón Menéndez Pidal ye una deformación d'o basco Last-toi, "puesto con rigachuelo", sindembargo Gerhard Rohlfs considera que ye analogo con l'occitán Allasac en Corrèze, que deriva d'o chentilicio Alacius, documentau en Galia Cisalpina, con una terminación -ué que deriva d'un sufixo baixoimperial u altomedieval que indica pertenencia, como ye o caso d'a terminación -ac en occitán y a terminación -asco en o norte d'Italia.[3]
Seguntes Manuel Benito Moliner, miembro de l'Instituto de Estudios Altoaragoneses, tien o suyo orichen en un antrotoponimo latino, Alastarius, con un sufixo celta -uey, etimolochía comun con o toponimo Alastrué.[4]
Historia
[editar | modificar o codigo]O lugar d'Alastuei perteneixeba a lo monesterio de Sant Chuan d'a Penya. As suyas primeras citas en os anyos 980 y en o sieglo XI son consideradas falsificacions d'o monesterio ta apoderar-se d'o lugar.[5]
En 1090, o rei Sancho Remíriz cedió los dreitos eclesiasticos d'o lugar a Chaca, y as rendas reyals a lo monesterio de Sant Chuan d'a Penya.[5]
En 1414 yera lugar de reyalenco.[6]
En 1428, o rei Alifonso V d'Aragón confirmó la cesión d'o lugar a lo monesterio, y en dependió dica lla desamortización de Mendizábal en 1835.[7]
Dica os anyos 1860, estió la capital d'un municipio conchunto con Arbués, que en ixa calendata lo substituyó como capital d'o municipio.
Demografía
[editar | modificar o codigo]
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Molimentos
[editar | modificar o codigo]
- Ilesia parroquial, consagrada a sant Miguel Arcánchel, d'estilo romanico, d'o sieglo XII, muy modificada en o sieglo XVII.[5] En prencipio, yera un templo d'una sola nau con abside semicircular con cubierta de fusta y una torre-campanar adosada.[6]
- Retablo mayor, d'estilo barroco, obra de Melchor de Ruesta.[5]
- Retablo de sant Bertolomeu, d'estilo barroco, procedent d'a desapareixida ermita de Sant Bertolomeu.[5]
Fiestas
[editar | modificar o codigo]- 29 de setiembre, por sant Miguel.
- 30 de chulio, fiestas menors, por sant Abdón y sant Senén.
Vinclos externos
[editar | modificar o codigo]
Se veigan as imáchens de Commons sobre Alastuei.- (es) A ilesia de Sant Miguel Arcánchel d'Alastuei.
- (es) Alastuey Románico.
- (es) Ilesia de Sant Miguel d'Alastuei en a pachina web d'o Sistema d'Información d'o Patrimonio Cultural Aragonés.
Referencias
[editar | modificar o codigo]- ↑ (es) Listado de entidades locales menores de Aragón.
- ↑ (es) Antonio Ubieto Arteta: Toponimia aragonesa medieval, Valencia, 1972.
- ↑ (fr) Gerhard Rohlfs: Le suffixe préroman -ué, -uy dans la toponymie aragonnaise et catalane, en Archivo de Filología Aragonesa IV, 1952.
- ↑ (es) Pueblos del Alto Aragón: el origen de sus nombres (A).
- ↑ 5,0 5,1 5,2 5,3 5,4 (es) Alastuey, .pdf editau por a comarca d'a Chacetania.
- ↑ 6,0 6,1 (es) Iglesia de San Miguel Arcángel de Alastuey.
- ↑ (es) Karina Jara Alastuey: Los Alastuey.
| Lugars d'o municipio de Bailo | |
|---|---|
| Poblaus: Alastuei | Arbués | Arrés | Bailo | Larués Despoblaus: Especiello | Esporret | Gabás | Paternoi | Villanoviella d'Alastuei |
