Ir al contenido

Populus

De Biquipedia
(Reendrezau dende Alamo)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Populus
Populus nigra
Denominacions populars
Alamos, albars
Dende o Cretacio
Clasificación cientifica
Eukaryota
Plantae
Magnoliophyta
Magnoliopsida
Malpighiales
Salicaceae
Populus
Descripción
Populus
L., 1758

Populus (L., 1758) ye un chenero de plantas dicotiledonias magnoliopsidas en a familia d'as salicacias, composau por especies de port arborio u arbustivo, caducifolias, a mayoría d'ellas naturals de o Hemisferio Norte. Corresponde con as especies que, en aragonés, se denomina chenericament alamos[1] u, principalment en Ribagorza y Sobrarbe, albars[1][2] (pronunciau /al'bas/~/aʎ'bas/).

Descripción[editar | modificar o codigo]

Son árbols de creiximiento rapedo, que viven en puestos con augua (como sotos y riberas), y arriban dica a altarias d'entre 15 y 50 metros, con troncos que gosan fer 2,5 m de diametro en os eixemplars mas viellos.

As fuellas creixen pendulars, oposadas, con un peciolo luengo y con as laderas lisas u, en cualques especies, lobuladas. A forma d'a fuella varía d'entre amanada a formar un cerclo como en P. lasiocarpa dica triangular (P. nigra). Anque a color d'o follamen ye verde, a sobén se torna amariella u royisca d'agüerros, chusto enantes de cayer.

A crosta ye lisa en os árbols chóvens, con frecuents lenticelos, pero gosa tornar-se aspra cuan creixen. A color ye blanca u grisa en muitas especies, escurindo-se con a edat y aspritut, pero en atras destaca por o escura que ye, en comparanza con as primeras que son a mayoría.

As flors son dioicas, rarament monoicas. Naixen como amentos pedunculaus enantes que brosten as fuellas en primavera. Cada flor individual tiene una escata protectora que s'enradiga directament en o raquis de l'amento. As flors masculinas dan muitismo polen, por o que resultan árbols muit alerchenicos, principalment por o elevau numero d'estambres que contienen; d'entre 4 y 50 por cada flor.

Especies[editar | modificar o codigo]

O chenero Populus concabe una gran cantidat d'especies, d'entre as que son mas frecuents en Aragón o chopo (que incluye a variedat «lombardo»), a tremolera y o chopo blanco.

O chenero tradicionalment se subdivide en 6 seccions, en base acaracters morfolochicos de a flor y a fuella. Os estudios cheneticos que s'han feito han confirmau ista división, pero tamién que ha existiu cualque cosa d'hibridación d'entre as diferents seccions en o pasau.

Fuellas d'alamo en agüerro.
Populus alba.
Lombardos en a val de Chistau.

Referencias[editar | modificar o codigo]

  1. 1,0 1,1 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-89862-35-7
  2. (an)(es) ANDOLZ CANELA, Rafael, Diccionario Aragonés, Aragonés-Castellano Castellano-Aragonés (5ena ed.); Mira Editores. Zaragoza 2004. ISBN 84-8465-160-6

Vinclos externos[editar | modificar o codigo]

Biquiespecies
Biquiespecies
Se veiga a información de Biquiespecies sobre Populus.