Marta Marín Bráviz

De Biquipedia
Ir a la navegación Ir a la búsqueda
Marta Marín Bráviz
Información personal
Naixita de: Flag of Aragon.svg Echo (Chacetania, Aragón)
Ocupación: Periodista y escritora
Start hand.svg Esta fuella ye escrita en aragonés cheso.

Marta Marín Bráviz ye una periodista y escritora aragonesa nacida en Echo. Triballa de una mena voluntaria en la difusión de lo aragonés cheso con la Asociación Cultural Bisas de lo Subordán, de la que ye co-fundadora y secretaria. Ye estada mayestra d'aragonés cheso y ha adaptau cuentos clasicos ta esta variedat de l'aragones, editaus en lo libro (Cuentos de siempre acomodaus ta lo cheso (2004)). Tamién ha triballau en la edición de la obra en cheso de Rosario Ustáriz, editando los libros "Miquetas de l'alma" y "Entre amigos" y revisa en estos momentos chunto con Ana Mari Boli lo diccionario de lo cheso que dixeron sin de acabar la misma Rosario Ustáriz, Rosa Coarasa, filla de lo escritor en cheso Chusé Coarasa, y la tamién escritora en cheso Victoria Nicolás. Marta Marín estié miembro dende la suya creación en octubre de 2010, y a propuesta de las Cortz d'Aragón, de lo Consello Superior de las Luengas d'Aragón.[1] Estié secretaria de dicho Consello dende la suya constitución hasta que esti desaparecié en 2013.

Referencias[editar | editar código]

  1. (es) Las Cortes nombran a cinco miembros del Consejo de las Lenguas de Aragón. Heraldo de Aragón. 17 de chunio de 2010.