Pinus sylvestris

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pinus sylvestris

Pin royo (Pinus sylvestris)

Clasificación scientifica

Dominio:	Eukaryota
Reino:	Plantae
División:	Pinophyta
Clase:	Pinopsida
Orden:	Pinales
Familia:	Pinaceae
Chenero:	Pinus
Especie:	P.sylvestris

Nomenclatura binominal

Pinus sylvestris

L., 1758

Mapa d'a distribución d'o pin royo en Eurasia.

O pin royo^[1] u pin roi (Pinus sylvestris (L., 1758)), ye un árbol de fuella perén d'o chenero Pinus, en a familia Pinaceae, amplament distribuito per Europa y Asia. En a Peninsula Iberica se troba en os pisos oromediterranio y montano d'as montanyas, per tener preferencia per os puestos de clima frido. En Aragón, ye la especie de pin dominadera en os Pireneus. O nombre popular, cheneral per tot Aragón, demana d'a color royisca d'a suya crosta.

Pueden creixer dica fer 30 metros d'altaria, gosando creixer dica 6 metros en os primers 10 anyos de vida. A suya forma ye piramidal cuan son chóvens, pero se torna irregular en os eixemplars viellos. As fuellas (agullas) son simples, naixendo.-ie de dos en dos, mes curtas que no en altras especies de Pinus, d'entre 3 y 7 cm de lonchitut. Creixen bien anisolatos, pero en as selvas siempre puyan escando la luz, per lo que gosan deformar-se manifestando piroleras chiquetas en alto de tot d'un tranco finet que s'enfila bien alto; ixo fa que muitos eixemplars d'estes mas chóvens se troncen cuan quedan anisolatos p. ex. cuan en tirando la madera y se tallan os altros árbols d'arredol. En a silvicultura tradicional de l'Alto Aragón esto se miraba de privar quitando-los-ie toz en corrols, ta que no i quedesen eixemplars anisolatos.