Pinaceae

De Biquipedia
Ir ta: navego, busca
Pinaceae
Clasificación scientifica
Dominio: Eukaryota
Reino: Plantae
División: Pinophyta
Clase: Pinopsida
Orden: Pinales
Familia: Pinaceae

A familia Pinaceae u Pinacias ye a més lumerosa d'as coniferas y ye representata. Ye representata por 10 cheners y 250 especies, quasi totas d'o Hemisferio Norte. Cheners representatos en a Península Iberica son son Pinus y Abies.

As fuellas son aciculars, disposatas en espiral sobre o tallo u agrupatas en fasciclos sobre braquiblastos. A mayor parte d'os cheners son de fuella perén, de fueras de Larix y Pseudolarix que son de fuella cayediza.

As escatas d'o cono se disponen en espiral, as bractias y escatas ovuliferas son bien diferenciatas. Os androstrobilos son relativament grans, elipticos y compactos, tienen os esporofilos disposatos en espiral y provistos de dos antrosporanchios situatos en a superficie abaxial. Os grans de polen son prencipalment vesiculatos (de fueras de Larix y Pseudotsuga). Os chinostrobilos tienen bractias en espiral y escatas ovuliferas més u menos deseparatas. Bi ha dos ovulos invertitos sobre a superficie adaxial d'a escata. Os chinostrobilos lignificatos son pendulos en totz os cheners de fueras de Cedrus, Abies, Larix y Keteleeria.

Bibliografía[editar | editar código]

R.F.Scagel et al.- "EL REINO VEGETAL. LOS GRUPOS DE PLANTAS Y SUS RELACIONES EVOLUTIVAS". Editorial Omega.