Luengas galoitalicas
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Luengas galoitalicas | |
|---|---|
| Atras denominacions: |
' |
| Distribución cheografica: |
Italia, San Marino, Suiza, Mónegue y Francia |
| Etnia: | |
| Clasificación lingüistica | |
| Clasificación: | Indoeuropeas |
| Protoluenga: | Latín |
| Subdivisions: | |
| ISO 639-1: | [2] |
| ISO 639-2: | [3] |
| ISO 639-3: | [4] |
| ISO 639-4: | [5] |
| ISO 639-5: | roa |
| Linguasphere: | ' |
| Glottolog: | gall1279 |
| Mapa de situación | |
 Luengas galoitalicas | |
As luengas galoitalicas[1] son a mayoría de luengas d'o norte d'Italia. Fan parti d'iste grupo o piemontés, o lombardo, o emiliano-romanyol y o ligur, encara que bi ha dudas sobre a clasificación d'ista zaguera debiu a las suyas caracteristicas especials. O veneciano se considera a sobén como una luenga italo-dalmatas; encara, que bellas publicacions la definen como galoitaliana.[2]
As luengas galoitalianas comparten caracteristicas tanto con as luengas galorromanicas, con as que mugan a o norueste (incluyindo o francés y occitán) y as luengas italo-dalmatas a o sud (incluyindo l'italiano). Eixemplos de caracteristicas comuns con as primeras son a perduga de todas as vocals finals fueras d'a -a; a ocurrencia d'a lenición; o desenvolique d'o grupo /kt/ orichinal a /jt/ (y a sobén dimpués a /tʃ/) y o desenvolique d'a vocal frontal redondiada (por eixemplo o cambeo de /u/ a /y/). D'atra man son eixemplos de caracteristicas comuns a o segundo grupo de luengas a indicación d'os plurals con cambeos vocalicos en cuentas de con una /s/; se troba prou estendillada a metafonía d'a vocals tonicas, cuan van seguidas d'una /i/; asinas como o desenvolique en bellas arias d'o fonema /tʃ/ en cuentas de /ts/ como resultau d'a palatalización d'a /k/ orichinal antis de e y i.
Debiu a tot isto, bi ha discusions sobre a corrección d'o propio grupo de luengas galoitalicas. Asinas istas son a vegadas clasificadas aintro d'as luengas galorromanicas,[3] encara que atros lingüistas gosan agrupar-las con as italo-dalmatas.[4][5][6][7][8]
Distribución cheografica
Tradicionalment s'han charrau en o Norte d'Italia, sud de Suiza, San Marino y Mónegue. A mayoría d'as luengas galoitalicas han deixau paso a l'italiano stándard como luenga d'uso cutiano. A gran mayoría de parlants d'istas luengas son bilingües con l'italiano. Istas luengas encara son parladas por a diaspora italiana en países con importants comunidaz d'immigrants d'orichen italiano. O ligur ye standardizau en Mónegue como idioma monegasco (Munegascu).
Clasificación
- Luengas galoitalicas
Referencias
- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ Por eixemplo Ethnologue
- ↑ Ethnologue, [1]
- ↑ Por eixemplo, Giovan Battista Pellegrini, Tullio De Mauro, Maurizio Dardano, Tullio Telmon (se veiga Enrico Allasino et al. Le lingue del Piemonte, IRES – Istituto di Ricerche Economico Sociali del Piemonte, Torino, 2007, p. 9) y Vincenzo Orioles (se veiga Classificazione dei dialetti parlati in Italia).
- ↑ Walter De Gruyter, Italienisch, Korsisch, Sardisch, 1988, p. 452.
- ↑ Michele Loporcaro, Profilo linguistico dei dialetti italiani, 2013, p. 70.
- ↑ Martin Maiden, Mair Parry, Dialects of Italy, 1997, Introduction p. 3.
- ↑ Anna Laura Lepschy, Giulio Lepschy, The Italian Language Today, 1998, p. 41.