Lepus europaeus
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Lepus europaeus | |
|---|---|
 | |
| Denominacions populars | |
| Estau de conservación | |
| Clasificación cientifica | |
| Eukaryota | |
| Animalia | |
| Mammalia | |
| Lagomorpha | |
| Leporidae | |
| Lepus | |
| L. europaeus | |
| Descripción | |
Lepus (Eulagos) europaeus
Pallas, 1778 | |
| Distribución cheografica | |
 | |
A liebre europea u comuna (Lepus europaeus (Pallas, 1778)), tamién llebre en Ribagorza y partes de Sobrarbe,[3] ye un mamifero lagomorfo de a familia Leporidae, nativo d'Europa, a Peninsula d'Anatolia y buena cosa d'Asia central y as estepas.
Caracteristicas
Ye un lagomorfo de gran mida, con pesos que bailan d'entre os 2,5 y os 7 kilogramos, d'entre 48 y 73 centimetros de lonchitut y bels 35 centimetros d'altaria en a grupa. Tiene a cabeza chicorrona en relación a o cuerpo, y as patas largas.
As orellas, que son prominents como en toz os lagomorfos, resultan especialment largas, con una lonchitut que gosa pasar abant d'o mueso de l'animal cuan se le'n estira t'adebant.
Hábitat
As liebres tienen preferencia por os espacios obiertos. Se'n suele trobar en os campos y en os praus con matullar en as marguins, a on que i puedan trobar puestos ta amagar-se.
Se'n troba de forma natural por toda Europa, sacando-ne as Islas Britanicas (a on que ye una especie introducida), os 4/5 mas en norte de a Peninsula d'Escandinavia, y a mayoría d'a Peninsula Iberica, a on que o suyo nincho ecolochico l'ocupa la especie Lepus granatensis.
En Aragón, habita, de forma ideyal,[3] en norte d'o río Ebro, que tradicionalment se cita como a muga meridional de a suya distribución en a Peninsula.[3] En sud de o dito río ya no se i trobaría sique a suya parient L. granatensis.[3]
Se veiga tamién
Referencias
- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (es) Chesús de Mostolay: EL SOMONTANÉS Diccionario de voces y expresiones, Albama Literaria, 2022, ISBN 978-84-09-41341-6, p.431
- ↑ 3,0 3,1 3,2 3,3 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-89862-35-7
Vinclos externos
Wikispecies tiene un articlo sobre Lepus europaeus.
Se veigan as imáchens de Commons sobre Lepus europaeus.
