Cupressus sempervirens
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Cupressus sempervirens | |
|---|---|
 | |
| Denominacions populars | |
| Estau de conservación | |
| Clasificación cientifica | |
| Eukaryota | |
| Plantae | |
| Pinales | |
| Cupressaceae | |
| Cupressus | |
| C. sempervirens | |
| Descripción | |
Cupressus sempervirens
Linnaeus, | |
| Distribución cheografica | |
 | |
O ciprés (Cupressus sempervirens (Linnaeus, )[4]) ye una especie de planta d'a orden d'os Pinales y familia Cupressaceae que ye de grandaria meyana dica 35 m d'altaria, con coroneta conica con ramas niveladas y rametas colgants de forma variable. Ye muit lonchevo, y s'informa que cualques arbols tienen mas de 1.000 anyos. Lo ciprés vivo mas antigo ye o Sarv-e-Abarkooh en a provincia de Yazd de Irán. A suya edat s'estima en arredol de 4.000 anyadas.[5]
A follarasca creix preta y ye de color verda fosca. Tamién ye conoixiu per a suya fusta muit duradera y perfumada.
S'ha cautivau amplament como arbol ornamental mientres milenios luent d'a suya aria de distribución nativa, sobretot en tota a rechión mediterrania, y en atras arias con veranos calurosos y ixucaus y hibiernos suaus y pleviosos semellants, incluyius California, o sudueste de Sudafrica y lo sud d'Australia. Tamién se puede cautivar con exito en arias con veranos mas fredos y humidos, como as Islas Britanicas, Nueva Zelanda y o nordueste d'o Pacifico (a costa d'Oregón, Washington y Columbia Britanica). Tamién se planta en Florida y partis d'a costa sud d'os Estaus Unius como arbol ornamental.
En l'antiguidat clasica, o ciprés yera un simbolo de duelo y en la era moderna sigue estando lo prencipal arbol d'o fosal tanto en o mundo musulmán como en Europa. En a tradición clasica, o ciprés s'asociaba con a muerte y l'inframundo perque no se recheneraba cuan se retallaba masiau. Yera entre as plantas que yeran adecuadas pa fer coronas pa adornar as estactuas de Plutón, o gobernaire clasico de l'inframundo.
Referencias
- ↑ (es) Rafel Vidaller Tricas: Nuestros árboles, Cuadernos altoaragoneses de trabajo 2, Instituto de Estudios Altoaragoneses, 1993, ISBN 84-398-7906-7, p.32
- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p. 55
- ↑ (en) Zsolt Debreczy, Istvan Racz (2012). Kathy Musial (ed.). Conifers Around the World. DendroPress. p. 1089. ISBN 978-9632190617.
- ↑ (en) Craig Glenday, ed. (2011). Guinness World Records. BANTAM DELL. p. 95. ISBN 9781904994671.
Vinclos externos
Se veigan as imáchens de Commons sobre Cupressus sempervirens.
