Galio
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O galio ye un elemento quimico d'a tabla periodica de numero atomico 31 y simbolo Ga.
Caracteristicas prencipals
O galio ye un metal tovo, grisenco en estato liquido y color archent brillant en sodificar, solido a baixas temperaturas que funde a temperaturas amanatas a la temperatura ambient (como o cesio, o mercurio y o rubidio) y mesmo funde cuan se pilla con a man por o suyo baixo punto de fusión (28,76 °C). O rango de temperatura en que permaneixe liquido ye un d'os mas altos d'os metals (2174 °C deseparan os suyos punto de fusión y punto d'ebullición) y a presión de vapor ye baixa mesmo a altas temperaturas. O metal s'expande un 3,1% en solidificar y flota en o galio liquido, igual que o chelo en l'augua.
Presenta una pronunciata tendencia a subenfriar-se por debaixo d'o punto de fusión (permaneixendo encara en estato liquido) por o que s'amenistará un nuclio (una chicota cantidat d'o solido ahibito a o liquido) ta solidificar o liquido. A cristalización no se produce en denguna d'as estructuras simplas; a fase estable en condicions normals ye ortorombica, con 8 atomos en cada celda unitaria en que cada atomo nomás en tien un atro en o suyo espacio mas amanato a una distancia de 2,44 Å y estando os atros seis a 2,83 Å. En ista estructura o enlace quimico formato entre os atomos mas amanatos ye covalent estando a molecula Ga2 a que realment forma o rete cristalín.
A atras presions y temperatura s'han trobato numerosas fases estables y metaestables distintas.
O galio prevoca a corrosión d'atros metals en difundir-se en os suyos rez cristalins.
