Radioactividat

De Biquipedia
Ir ta: navego, busca
Articlo d'os 1000
Simbolo internacional d'o periglo de radioactividat.

A radioactividat ye un fenomén fisico natural que presentan bellas substancias con nuclios atomicos inestables, istas substancias radioactivas inestables pierden enerchia emitindo radiacions en forma de particlas u ondas eletromagneticas ta lograr uns nuclios atomicos más estables. O termin radioactividat fue inventato por Marie Curie en 1898.

As radiacions producitas mientres o proceso de desintegración d'os nuclidos son capaces de dentrar en cuerpos opacos, ionizar l'aire, imprentar placas fotograficas y excitar a fluorescencia de bellas substancias. Os radionuclidos naturals más freqüents en as rocas terrestres son o isotopo 238 de l'uranio (U-238), o isotopo 232 d'o torio (Th-232) y más que más o isotopo 40 d'o potasio (K-40).

A unidat d'o Sistema Internacional d'Unidatz ta la desintegrazión radioactiva (tanto ta la radioactividat natural como ta l'artificial) ye o becquerel (Bq). Una antiga unidat heba estato lo curie (Ci), que primero se definió como l'actividat d'un gramo d'o isotopo 226 d'o radio en estato puro y dimpués como l'actividat d'un radionuclido con una tasa de desintegración de 3,7 × 1010 Bq.

A desintegración radioactiva ye tamién a transformación espontania, con o paso d'o tiempo, d'os atomos d'un elemento quimico, en un u más elementos diferents. Se diz tamién radioactividat. A radioactividat no se da en totz os isotopos, sino en os isotopos inestables (radioisotopos).

No s'ha de confundir a radioactividat, entendita como a desintegración radioactiva, con l'absorción, y emisión de fotons por bellas moleculas, por eixemplo lo CO2; ya que si bien, dende o punto d'anvista d'a fisica suposa un proceso parellán a la desintegración, por que leva asociata l'absorción, u emisión, de particlas, por una atra particla, en o segundo caso no cambeya o numero atomico de dengún elemento.