Calor especifica

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A calor especifica u capacitat calorifica especifica, $c$, ye a cantidat d'enerchía en forma de calor, que ha de recibir una substancia ta puyar un kelvin (o equivalent a un grau centigrado), a temperatura de bella masa (a vegatas se mesura por un cierto volumen). Se gosa mesurar en as unidaz d'o SI; J/(kg*K) (joule por kilogramo kelvin).

Por un regular a cantidat de calor $Q$ necesaria ta puyar a temperatura d'un sistema se puet exprisar como:

$Q=mc\Delta T$

A calor especifica d'una determinata substancia se puet determinar escalfando o cuerpo dica una cierta temperatura y, dimpués metendo-lo en contacto con una cierta masa d'una substancia de calor especifica conoixita, de traza que pleguen a una temperatura d'equilibrio. Si o conchunto ye isolato d'o entorno, a calor cedita por o cuerpo ha d'estar igual a l'absorbita por a substancia de calor especifica conoixita. Ye decir:

$Q_{ceditp}=Q_{absorbito}$

$m_{cuerpo}c_{cuerpo}(T_{f}-T_{icuerpo})=m_{referencia}c_{referencia}(T_{f}-T_{ireferencia})$

a on a unica incognita que tenemos ye $c_{cos}$, chustament lo que queremos determinar.

Iste procedimiento se diz calorimetría.

Calor especifica de bellas substancias

Substancia	c (kJ·kg⁻¹·K⁻¹)
Augua	4,181
Alcol etilico	2,400
Aluminio	0,897
Arambre	0,386
Oro	0,126
Plomo	0,128
Vidre	0,840

Se veiga tamién

• Capacidat termica.
• Calor especifica molar.
• Calor especifica volumetrica.
• Calorimetría.

• Datos: Q487756
• Multimedia: Specific heat capacity / Q487756