Punica granatum
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Minglanera | ||||||||||||||||
 Punica granatum | ||||||||||||||||
| ||||||||||||||||
| Prunus persica | ||||||||||||||||
| L., 1753 | ||||||||||||||||
A minglanera u mengranera[1] ye un arbusto cautivato por o suyo fruito, a minglana[2][3] u mengrana.
Descripción
Ye caducifolio y puet gosar tener de 5 a 8 metros d'altaria. As fuellas son oposatas u suboposatas, brillants, oblongas u estreitas, enteras con 3–7 cm de largura y 2 cm d'amplaria.
As flors, con 3 cm de diametro, son de color roya brillant y tienen 5 petals. O fruito ye una baya globular con crosta coriacia, l'interior ye dividito en lobulos que tienen lumerosas simients revestitas con una cubierta dita sarcotesta, con polpa roya y sucosa. S'ubre espontaneyament cuan plega a estar matura.
Os paixaros en esta fase son atrayitos por a color roya d'as sarcotestas y se'n minchan as simients, que s'ixemenan con os suyos escrementos (dispersión endozoocora).
Historia
Ye una especie orichinaria d'una rechión que abraca dende l'Irán dica o norte d'os Himalayas. Lo introducioron como cautivo en Armenia y a rechión mediterrania, y dimpués se naturalizó por totas as zonas con clima mediterranio no guaire fridas.
Ye muito apreciata en as zonas deserticas por estar protechita d'a desecación por a suya pellete gruesa y coriacia, lo que permeteba que as caravanas la podesen trasportar grans distancias, sin de perder garra cualidat. Bi n'ha una antiga documentación. Se sape que se cautiva dende fa 5.000 anyatas lo menos en Asia occidental y Norte d'Africa, se trobaba en os chardins colgants de Babilonia y en os baixorrelieus echipcianos. Os antigos echipcianos preparaban con o suyo suco un vin lebero con gusto de chordón. Tamién ye mencionata en a biblia.
Hipocrates recomendaba o suco d'a minglana en contra d'a fiebre y como fortificant contra la malautía.
Os romanos asociaban a minglana a os fenicios y por ixo en deciban Punica. En Espanya no ye un fruito introducito por os musulmans como gosa decir-se, pus se'n conoixen representacions en l'arte iberico.
Producción
Os prencipals países productors son: Israel, Liban, Echipto, Tunicia, Espanya y Italia.
Simbolochía
Pa muitos pueblos ye una simbolo d'amor, de fertilidat y prosperidat:
- En a mitolochía griega, a primera minglana la plantó Afrodita, diosa de l'amor y la belleza. Ades, li ofreixió una minglana a Persefone pa seducir-la.
- En Chava, ye asociata a bels ritos que acomapanyan o embarace.
- En China, tienen como costumbre ofreixer-li una minglana a los recient casatos pa que tiengan una descendencia lumerosa (a color roya d'esta fruita ye una color que atraye a la buena fortuna d'alcuerdo con a tradición china).
Etimolochía
A parola minglana promana d'o latín mille grana.[4]
Referencias
- ↑ (es) Rafel Vidaller Tricas: Nuestros árboles, Cuadernos altoaragoneses de trabajo 2, Instituto de Estudios Altoaragoneses, 1993, ISBN 84-398-7906-7, p. 21
- ↑ (es) Gerónimo Borao y Clemente: Diccionario de voces aragonesas, precedido de una introducción filológico-histórica, 1859, ISBN 84-9761-673-1, p.269
- ↑ (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.37
- ↑ (es) Laspeñas Garcia, Daniel: Correspondencias léxicas entre aragonés, catalán y occitano. Algunas relaciones en el mundo vegetal a la luz de las fuentes bibliográficas,Universidat de Zaragoza, 2022, p.443
Vinclos externos
Se veigan as imáchens de Commons sobre a minglanera.
Wikispecies tiene un articlo sobre Punica granatum.
