Ziudat d'o Cabo
De Biquipedia
|
Ziudat d'o Cabo |
|||
|---|---|---|---|
|
|||
 |
|||
| Nombre ofizial | Kaapstad | ||
| Estato |  Surafrica |
||
| Probinzia | Probinzia d'o Cabo Ozidental | ||
| Codigo postal | |||
| Superfizie | 2.499 km² | ||
| Altaria | m. | ||
| Distanzia | km á [[]] | ||
| Poblazión | 3.481.156 ab. (2008) | ||
| Densidá | 1.418 ab./km² | ||
| Chentilizio | |||
| Ríos | |||
| Pachina web | www.capetown.gov.za | ||
 Situazión de Ziudat d'o Cabo en Surafrica |
|||
Ziudat d'o Cabo (en afrikaans Kaapstad /ˈkɑːpstɑt/; en xhosa: Ikapa; en anglés: Cape Town) ye una ziutat de Surafrica situata á man d'o cabo de Buena Esperanza, d'on que li biene o nombre.
Fue establita en l'año 1652 por neerlandeses d'a Compañía Neerlandesa d'as Indias Orientals, estando l'asentamiento europeu más antigo d'o país.
Güé en día ye una metropoli d'entre (pendendo d'a fuent) 2,5 e 6 millons d'abitants; capital lechislatiba d'o país (seu d'o Parlamento de Surafrica) asinas como d'a probinzia d'o Cabo Ozidental. Ye á más o destín toristico más important de Surafrica. A ziudat tien un clima mediterranio.
Encaxatos entre a bayía e a montaña de Tafel, una serie de bicos e arias residenzials rodían un zentro urbán plen de gratazielos.
Situata á mán d'o Cabo Agulhas á on que se chuntan a corrient freda de Benguela (Ozián Atlantico) e a calida d'Agulhas (Ozián Indico).
Contenius |
[editar] Istoria
- Articlo prenzipal: Istoria de Ziudat d'o Cabo.
[editar] A Preistoria
Se conoxe a presenzia de l'ombre en a redolada dende fa arredol de 12.000 añadas, en a Preistoria, seguntes o chazimiento arqueolochico d'a Espelunga Peers en Fish Hoek. Sin d'embargo, antis de plegar á la redolada os europeus, no tenemos pas muitas informazions, por estar a suya poblazión formata por chens que no conoxeban pas a escritura.
[editar] Plegan os europeus
Encara que a primera zita d'o lugar ta os europeus estió en 1486, feita por o marino portugués Bartolomeu Dias, y que en 1497 o tamién portugués Vasco de Gama pasó por astí, os primers contautos regulars con europeus no estioron dica 1652, cuan plegoron á o lugar os neerlandeses como Jan van Riebeeck, que treballaban ta la Compañía Neerlandesa d'as Indias Orientals, con a finalidat d'establir un punto d'aduya ta os barcos neerlandeses que feban ruta ta las nuebas colonias d'os Países Baxos en l'autual Indonesia (as Indias Orientals Neerlandesas).
En no estar una ziudat ta la esplotazión comerzial d'os arredols, o crezimiento d'a ziudat estió muit lento, agrabato á más por no aber mano d'obra sufizient. Prenzipió asinas a importazión d'esclabos dende Indonesia u Madagascar, estando asinas os suyos deszendients os primers mestizos d'a colonia.
[editar] A conquiesta britanica
En os años 1780, en prenzipar a Guerra d'a Independenzia d'os Estados Unidos (dende 1776), os Países Baxos, como atras nazions europeyas, aduyoron á os colons estatounitenses sulebatos contra os britanicos. Antiparte, dimpués d'a Reboluzión franzesa, os neerlandeses estioron aliatos con os franzeses primero en as Guerras reboluzionarias franzesas y luego en as Guerras nepolionicas, dica a imbasión d'os propios Países Baxos por Napolión Bonaparte.
Asinas, en 1795 o Exerzito britanico prenió o control d'o lugar, dezindo que o feban ta ebitar a suya conquiesta por o Exerzito franzés. Encara que os britanicos tornoron o territorio á os neerlandeses en 1803, en 1803 tornaron á conquerir-lo, confirmando a suya conquiesta en 1814, en rematar as guerras en Europa, cuan Ziudat d'o Cabo fue adibito á o Imperio britanico.
