Nelson Mandela

De Biquipedia
Ir ta: navego, busca
Articlo d'os 1000
Nelson Mandela Premio Nobel Prince of Asturias Foundation Emblem.svg
Nelson Mandela

27 d'abril de 1994 – 14 de chunio de 1999
Lugartenient   Frederik de Klerk
Thabo Mbeki
Precedito por Frederik de Klerk
Succedito por Thabo Mbeki
Naiximiento 18 de chulio de 1918
Mvezo, Provincia Oriental d'o Cabo, Sudafrica
Muerte 5 d'aviento de 2013
Johannesburgo, Gauteng, Sudafrica
Partito Congreso Nacional Africán

Nelson Rolihlahla Mandela conoixito a sobent en o suyo país como Madiba [1] (Umtata, Sudafrica, 18 de chulio de 1918 - Johannesburgo, Gauteng, Sudafrica, 5 d'aviento de 2013) [2] estió un politico sudafricán reconoixito en tot o mundo por a esfensa d’os dreitos humanos, y pasará a la historia como un d'os líders d’a luita contra l’apartheid y por a igualdat social. Pasó vintisiet anyos d’a suya vida zarrau en a prisión, y en salir escayeixió o primer president d'o suyo país esleito por sufrachio universal. En 1992 estió galardonato con o Premio Prencipe d'Asturias de Cooperación Internacional y en 1993 con o Premio Nobel d'a Paz ambos chunto con Frederik Willem de Klerk.[3][4]

Biografía[editar | editar código]

Mandela naixió en 1918 d’Umtata, en a provincia de Cabo Oriental de Sudafrica.

Estió o primer advogau negro de Johannesburgo, de conchunta con Olivier Tambo.

L’anyo 1944 entró a formar parte d’o Congreso Nacional Africano (ANC), partiu que luitaba contra l’apartheid, una segregación racial que s’institucionalizó en 1948, quan o Partiu Nacional plegó en o poder.

En 1952 Mandela estió trigau vicepresdent de l’ANC, y emprendió una campanya de desobediencia civil contra as leis inchustas, que culminó o 6 d’abril de 1952, quan se commemoraban os 300 anyos d’a fundación de Ciudat d’o Cabo y a plegada d’os primers blancos en Sudafrica. D’os 10.000 manifestants, 8.500 estioron detenius, entre ells, Mandela. Estió condenau a nueu meses de prisión y arresto domiciliario, y mientres iste tiempo organiza l’ANC en celulas clandestinas.

En 1955 reapareixió en publico, y l’atro anyo estió deteniu unatra vegada acusau de traición. En 1961 estió absuelto, pero en 1964 estió condenau a cadena perpetua por a vinculación con o brazo militar de l’ANC.

No estió liberau dica 1990. Vintisiet anyos engarcholau en condicions muit duras. Entre iste tiempo, estió fendo-se un simbolo a nivel internacional. Asinas, en salir d’a prisión estió eslechiu president de l’ANC, en substitución d’Olivier Tambo. Mandela esfendió a conciliación y negociación con o gubierno, y a renuncia a la violencia a cambeo de l’abolición de l’apartheid.

As negociacions pa meter fin a la segregación racial ocurrioron entre 1990 y 1993, y culminoron con as esleccions de 1994, en que Nelson Mandela estió trigau o primer president negro de Sudafrica.

L’anyo 1993, Mandela recibió o premio Nobel d’a Paz, conchuntament con F. de Klerk, zaguer president d’o rechimen segregacionista.

Mandela encabezó un gubierno centrau en a reconciliación entre 1994 y 1999. Mientres ista presidencia, y pa privar a impunidat en as responsabilidatz de l’apartheid, instituyó o Comité pa la Verdat y a Reconciliación, presidiu por Desmond Tutu. Tamién en aquell periodo, concretament o 24 de chunyo de 1995, se realizó a final d’o Mundial de rugby, an que a selección sudafricana, os Springboks, se proclamó campeona d’o mundo en Johannesburgo contra os Ajo Blacks neozelandeses.

A suya ye una historia de luita y dialogo en favor d’a chusticia y a paz, Nelson Madela se retiró d’a vida publica en 2004, tres anyos dimpués d’haber-le diagnosticau un cancer de prostata.

O gubierno sudafricano anuncia a muerte en casa de Nelson Mandela o 6 de diciembre de 2013

Filmografía[editar | editar código]

Referencias[editar | editar código]

Vinclos Externos[editar | editar código]


Predecesor:
Frederik de Klerk
President de Sudafrica
27 d'abril de 199414 de chunio de 1999
Succesor:
Thabo Mbeki
Predecesor:
Rigoberta Menchú
Premio Nobel d'a Paz
1994
Succesor:
Yasser Arafat, Shimon Peres e Isaac Rabin
Prince of Asturias Foundation Emblem.svg Premios Prencipe d'Asturias Prince of Asturias Foundation Emblem.svg
Predecesor:
Flag of the United Nations.svg ACNUR
Premio Prencipe de Cooperación Internacional
1993
Succesor:
Flag of the United Nations.svg Fuerzas de paz d'as Nacions Unitas