Vespidae

De Biquipedia
Ir ta: navego, busca
Vespidae
Vriespa
Vriespa chermanica (Vespula germanica)
Clasificación scientifica
Dominio: Eukaryota
Reino: Animalia
Filo: Arthropoda
Clase: Insecta
Orden: Hymenoptera
Suborden: Apocrita
Superfamilia: Vespoidea
Familia: Vespidae
Subfamilias

As vriespas u avriespas (scientificament, a familia Vespidae), tamién ditas griespas, agriespas, graspias y altras formas parellanas en diferents puntos d'a cheografía aragonesa, son una familia d'insectos himenopters apocritos ("apocritos" significa «relacionatos con as apellas») que se troban distribuitas per tot lo planeta, treito d'os circlos polars (á don, per altra parte, no b'ha guaires insectos). Se ye considerato que existen bellas 5000 especies de vriespas, anque ixa zifra ye una aproximación y ye muit complicato d'estimar-ne lo numer perque, como en altros insectos pasa, muitas d'ellas viven en ambients tropicals y encara no se ye puesto catalogar-las.

As verdateras vriespas se destinguen d'altras familias d'insectos (que a sobén tamién se son clamatas «vriespas») perque plegan as alas -paralelamente a l'abdomen- quan son en reposo.

Os niedos («vrispers/os», tamién «graspiers/os», etz) son feitos de buro en muitas especies (as ditas vriespas tarrazeras), sobretot en especies d'as subfamilias Eumeninae y Euparagiinae, que son solitarias. Altras subfamilias son de tendencias eusocials y fan vrispers colectivos, con celas individuals ta las suyas larvas. Os vrispers de Polistinae gosan estar os més granizos, y per o costumbre de construir-los a l'exterior que tienen ixes animals, se gosan albirar penchatos en as ramas d'árbols u baixo d'as voladeras d'os tellatos.

Totas as vriespas autenticas (Vespidae) tienen un fizón en l'estremo d'o suyo abdomen capable d'inchectar vereno, que emplegan ta defender-se, ta cazar as suyas presas (altros artropodos) u ta ta barallar-se con as vriespas rivals.

O termino «vriespa», común en l'aragonés y en o gascónvrièspa» u «vrèspa») ye evolucionato dende lo latín «vespula», que orichinalment ye una forma diminutiva de «vespa». «Vespa» ye d'á on ne demanan las suyas equivalents etimolochicas en castellán y catalánavispa» y «vespa» respectivament) como tamién en occitánvèspa»), pero no pas la d'o Pireneu central. En gascón y en aragonés o termino demana de «vespula» per esta seqüencia: vespula > vesp'la > vespra > v(i)espra > vriespa.[1]

Imachens[editar | editar código]

Referencias[editar | editar código]

  1. ELCOCK, W.D. Algunas afinidades fonéticas entre el aragonés y el bearnés. Xordica Editorial et Prensas Universitarias de Zaragoza. Zaragoza 2005. ISBN 84-96457-09-5

Se veiga tamién[editar | editar código]

Vinclos externos[editar | editar código]

Biquiespecies
Se veiga a información de Biquiespecies sobre Vespidae.