Uigurs

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Uigurs
ئۇيغۇر‎
Chico uigur en un mercadal de Khotan.
Población total
11,37 millons
Rechions con comunidaz importants
China
Cazaquistán
Uzbekistán
Kirguizistán
Turquía
Turkmenistán
Rusia
Idiomas
Uigur
Relichión
Islam

Uigurs[1] ye a denominación creyata en l'asamblea de Taixquent en 1921 pa diferents comunidaz d'o Turquestén oriental que charran una luenga turquica carluca: os Kashgharlyq de Kashgar, os Turpanlyq de Turpan, os Aqsuluq de Aqsu, os Yakanlyq de Yakan y os habitants sedentarios d'a val d'o Ili, ditos Taranchi. Son a etnia prencipal d'o Xinjiang chinés, estando tamién presents en Uzbekistán. Tienen un modo de vida, una luenga y una cultura pareixitos a los d'os uzbekos.

Modo de vida

Os uzbekos, uigurs y altayos practicaban un cautivo d'avena fendo servir l'aladro y a xata. Se combinaba l'agricultura con o pastoreyo transhumant.

Agora en Xinjiang os uigurs practican una agricultura de regano en os oasis, tienen un sistema de pozos connectatos por canyos (kanerjing) . Os prencipals cautivos son o trigo, panizo y cotón chunto con a horticultura.

Luenga

Ta más detalles, veyer l'articlo idioma uigurveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

L'idioma actual que ye denominato uigur no deriva d'o uigur historico, y ye una derivación d'o turquico chagatai, a l'igual que l'uzbeko. O uigur moderno s'escribiba tradicionalment en alfabeto arabe, pero entre os anyos 1956 y 1965 s'escribió en alfabeto cirilico, pa dimpués fer-se en alfabeto latino. En l'anyo 1981 o gubierno de Pekín permitió que se tornase a escribir en l'alfabeto arabe orichinal.

Historia

Cuan o Khanato Uigur fue destruito por os Kirguizes de l'alto Yenisei muitos uigurs y turquicos no uigurs vasallos emigroron enta o sud arribando enta os oasis d'o sud de Tien Shan, on se mezcloron con os nativos agnocuchens indoeuropeus y los asimiloron lingüisticament. Os uigurs d'o norte d'a Cuenca de Tarim organizoron un reino con capital en Khotcho (a man de Turfán). O reino de Khotcho yera un estato budista, patrocinaba tanto o budismo como maniqueísmo y resistió a presión d'os Kara Khanidas musulmans. Mantenió a independencia dica que fue conquiesto por os mongols, perdurando como estato vasallo de l'Imperio Mongol.

Talment sigan os uigurs d'o norte d'a Cuenca de Tarim u rechión de Turfán sozmesos a l'Imperio Mongol os que son mencionatos por Frai Haitón en o suyo libro tradueito a l'aragonés "La Flor de las Ystorias d'Orient" en o capítol "Del Regno de Tarssia":

En el Regno de tarssia si ay tres proui(n)cias et los senyores de aq(ue)llas prouincias se fazen clamar Reyes et han vna letra et vn le(n)guage por si mismos et aquellas gentes son clamadas iougout et todos tiempos son estados ydolatriçes et encara lo son todos el dia de oy salua(n)t la naçion de aq(ue)llos tres Reyes qui vinieron adorar la natiuitat de n(uest)ro senyor ih(es)u xp(ist)o por la demostrança dela strella et dela generaçion de aquellos Reyes son encara de grandes Senyores entre los tartaros los quales creye(n) firmement en la fe de ih(es)u xp(ist)o la gent de aquella t(ier)ra non treballan en fecho de armas mas son de sotil entendemiento et aprenden artes et sçiençias todos los mas dellos non ma[(n)]ian carne ni beuen vino ni matarien cosa que huuies anima et han buenas ciudades et ricas et fuert grandes templos do tienen sus ydolas las quales tiene(n) en grant reuerençia en aquella tierra se faze blat et otras simie(n)tes asaz mas vino no(n) ha(n) pont et tienen por grant pecado beuer vino. aq(ue)sti Regno de tarssia deues orient comiença enel regno de cathay deues ocçident enel Regno de turq(ue)sten deues septentrion es desierto deues mig iour comarca con vna t(ier)ra rica qui es clamada Sin q(ui) es entre catha[y] et el regno de judea et en aquella t(ier)ra se troban los finos diamantes.

En o reparto que se fació de l'Imperio Mongol o país uigur de Khotcho quedó baixo poder d'Ogodei, pero bi heba uigurs en o territorio d'os antigos Kara Khitai que li tocó a Chagatai Khan.

apr(e)s aquesto hoctocan eixemplo su huest enlas partidas entorno assi que la vna cabeça de su huest toma entro al Regno de chatayn et la otra cabeça entro al Regno de tarssia[2]

En o sieglo XIV as poblacions sedentarias d'a Cuenca de Tarim yeran en a subchección feudal d'os khans mongols de Mogolistán, a part oriental de l'orichinal Khanato Chagatai. Con o paso d'o tiempo estas poblacions s'iban islamizando cada vegata mes y prenendo o turquico chagatai,[3] que enta o sieglo X ya se feba servir en Kaixgar enta l'anyo 1000 por part d'os turquicos islamizatos. D'esta traza l'antigo uigur no guarda relación dreita con l'idioma tamién turquico que actualment se conoixe como uigur y que ye relacionato con o uzbeko.

Os uigurs budistas se convirtioron a la rechión musulmana en o sieglo XV. O termin uigur cayó en desuso en o sieglo XV fueras d'os uigurs amariellos. Bels grupos turquicos afins entre ellos viviban en l'actual Turquestén oriental, se diferenciaban d'atros turquicos por o modo de vida agricola u urbán y se designaban por o nombre d'a localidat. No siempre puet dicir-se-ne que desciendan d'os antigos uigurs, y seguntes bels autors a luenga carluca d'os actuals uigurs no provién d'a luenga d'os uigurs historicos.[3]

Os pueblos turquicos de luenca carluca d'o Turquestén oriental fuoron sozmesos por os oiratos baixo o Imperio Dzhungaro dica que a dinastía Qing los venció y creyó a provincia de Xinjiang.

Chicotas collas de kashgarlyq y yakanlyq estioron os primers en emigrar t'o Turquestén occidental u ruso. A meyatos d'o sieglo XIX s'establioron en Fergana, on son conoixitos como Kashgarlyq.

Os agricultors sedentarios ditos Taranchi d'a val d'o Ili plegoron dende Asia Central, prencipalment dende Semirechie (Cazaquistán) en grans grupos a prencipios d'a decada de 1880 fuyindo d'a presión rusa, pero tornoron a estar colonizatos por os rusos.

Os uigurs de Cazaquistán y Kirguizistán conservan encara la suya identidat etnica, reforzata por a plegata de refuchiatos uigurs dende Xinjiang en as decadas de 1950 y 1960. Os uigurs d'Uzbequistán son en un proceso d'asimilación por os uzbekos.

L'actual centro cultural d'os uigurs ye Kaixgar, a capital Urumqi tien muita población chinesa han.

Referencias

Bibliografía

  • Jean Sellier. Atlas de los pueblos del Asia Meridional y Oriental. Acento Editorial.