The Silver Chalice (cinta)

Iste articlo ye sobre una cinta de cine relichioso epico estausunidense de 1954; ta atros usos, se veiga The Silver Chalice.

The Silver Chalice
Títol	The Silver Chalice
Póster d'a cinta.
Ficha tecnica
Dirección	Victor Saville
Aduyant de dirección	Mel Dellar Russell Llewellyn
Dirección artistica	Boris Leven
Producción	Victor Saville
Disenyo de producción	Rolf Gerard
Guión adaptau	Lesser Samuels
Basau en	The Silver Chalice, novela de 1952 de Thomas B. Costain
Musica	Franz Waxman
Soniu	Francis J. Scheid
Fotografía	William V. Skall
Montache	George White
Escenografía	Howard Bristol
Vestuario	Marjorie Best Rolf Gerard
Maquillache	Gordon Bau
Peluquería	Jean Burt Reilly
Efectos especials	Hans F. Koenekamp Louis Lichtenfield
Actors	Virginia Mayo Pier Angeli Jack Palance Paul Newman Walter Hampden Joseph Wiseman Alexander Scourby Lorne Greene David J. Stewart Herbert Rudley Jacques Aubuchon E.G. Marshall Michael Pate Natalie Wood Booth Colman Terence De Marney Robert Middleton Ian Wolfe Lawrence Dobkin Philip Tonge Albert Dekker Strother Martin
Color	WarnerColor Cinemascope
Datos y cifras
País(es)	Estaus Unius
Anyo	1954
Debantadera	17 d'aviento de 1954 Saranac Lake (Nueva York, Estaus Unius)
Chenero(s)	Cine de drama Cine epico Cine relichioso Cine de peplum
Durada	135 min.
Idioma(s)	Anglés
Companyías
Productora(s)	Victor Saville Productions
Distribución	Warner Bros.
Estudio(s)	Warner Brothers Burbank Studios
Presupuesto	4,5 millons de dólars
Recauto	3,2 millons de dólars
Informacions en bases de datos especializadas:

The Silver Chalice (títol orichinal en anglés, en aragonés O cáliz d'archent, enguerada en Aragón con o suyo títol traduciu enta lo castellano como El cáliz de plata) ye una cinta de l'anyo 1954 de cine estausunidense de cine de drama epico relichioso de peplum dirichida por Victor Saville seguntes un guión adaptau por Lesser Samuels (basau en a novela The Silver Chalice, publicada l'anyo 1952 por Thomas B. Costain), con una banda sonora orichinal de Franz Waxman, una dirección de fotografía de William V. Skall, una producción cinematografica de Victor Saville ta la suya productora cinematografica Victor Saville Productions y un elenco composau, entre d'atros actors, por Virginia Mayo, Pier Angeli, Jack Palance, Paul Newman, Walter Hampden, Joseph Wiseman, Alexander Scourby, Lorne Greene, David J. Stewart, Herbert Rudley, Jacques Aubuchon, E.G. Marshall, Michael Pate, Natalie Wood, Booth Colman, Terence De Marney, Robert Middleton, Ian Wolfe, Lawrence Dobkin, Philip Tonge, Albert Dekker y Strother Martin.

Basil ye un nino que vive en Antioquía con una gran capacidat ta los treballos d'artesanía. Intresau en él, l'adopta un cabalero propietario d'a ciudat pero lo suyo chirmano no ye conforme y, cuan muere lo pai adoptivo, niega que haiga existiu l'adopción y diz que no yera so que una compra d'un esclavo. Dimpués vende a Basil a lo propietario d'un taller d'orfebrería, a on anyos dimpués destaca por a calidat d'o suyo treballo en choyería. Casualment en ixe taller lo troba una muller, que ye una mesacha antigament esclava a qui heba aduyau a fuyir d'o suyo amo anyos entazaga. D'atra man, en o taller plega tamién un homre que quiere fer un encargo bien poco habitual y que merca a Basilen pagando lo doble d'a suya valura. L'encargo ye de fer un cáliz d'archent ta rodiar o cáliz qye fació servir Cristo en a Ultima Cena y que dimpués s'emplegó en a crucifixión ta recullir a sangre de Cristo, y ye un ancargo de Chusé d'Arimatea. Chusé tien una filla, Debora, que s'enamora de Basil encara que iste parixe estar enamorau d'Helena, l'antiga esaclava a qui aduyó a fuyir y que agora ye la parella artistica de Simón o Mago. Simón pretende convertir-se en o fundador d'una nueva relichión que suplante a lo cristianismo y ta ixo quiere destruyir o cáliz (que no ye atra cosa que lo Santo Gredal), estando asinas aliau formal d'o chirmano desleyal que mintió ta fer un esclavo de Basil. Toz marchan enta Roma, a on s'escayecerá lo final d'a historia.

A cinta s'ambienta en o sieglo I en as ciudaz d'Antioquía, Cherusalem y Roma y las suyas escenas se filmoron en os Warner Brothers Burbank Studios en Burbank (California).

Ye una cinta que ha recibiu bels premios y nominacions, en destacando dos nominacions a los Premios Oscar en a suya 27^ena edición, a la Millor Fotografía en Color y a la Millor Banda Sonora Orichinal, y una nominación a los Premios Globos d'Oro en a suya 14^ena edición a la Millor Estrela Emerchent Masculina.

Elenco

Actor	Papel	Notas
[[]]	'

Se veiga tamién

• Cine en 1954.
• Cintas de 1954.