Santo Gredal

De Biquipedia
Ir ta: navego, busca
Santo Gredal, Seu de Valencia
Replica d'o Santo Gredal en o monesterio de Sant Chuan d'a Penya

El Santo Gredal u simplament Gredal, ye una leyenda, de discutitos orichens (talment ye celta), que se convirtió en tema de muitas obras narrativas medievals (más que más as novelas arturicas). En a suya tradición cristiana, amás important y abundant, o Gredal s'identifica con o cáliz que recullió a sangre d'a crucifixión de Chesucristo (recullita por Chusé d'Arimatia), que seguntes bellas leyendas tamién yera o cáliz emplegato por Chesucristo en a Zaguera Cena.

A primera mención d'o Santo Gredal en o contexto d'o ciclo arturico amaneix a fins d'o sieglo XII en o Perceval de Chretien de Troyes, y ye un vaso dito simplament graal lo mencionan como "un graal". S'ha de fer notar que a denominación occitana d'ixa clase de vaixiello no debeba estar conoixita encara en o norte de Francia y o nombre d'un obchecto en luenga d'Oc esdevinió o nombre propio d'un obchecto concreto d'esta clase. En a obra d'os continadors de Chretien de Troyes o Santo Gredal yera una copa u una escudiella. En a version cisterciense yera un cáliz, y en a versión de Wolfram von Eschenbach una piedra.

Seguntes a versión más ortodoxa d'a leyenda o Santo Gredal estió un vaso d'esmeralda que Chuse d'Arimatia heba plenato con sangre de Cristo enantes que li dasen sepultura.

Encara que o Santo Gredal faiga parte d'a mitolochía cristiana europea, tien una radiz pagana celta como simbolo de poder, abundancia, conoixencia y inmortalidat. En a mitolochía celta bi ha arquetipos anteriors como o Caldero Machico u as fuents de salut, tanto en Irlanda como en Galas.

En quasi totz os textos relativos a lo Santo Gredal bi ha un linache predestinato pa cosirar-lo, y ixe linache ye matrilinal (feito que de nuevo mos fa recordar a tradición celta pagana). Perceval ye fillo d'a chirmana d'o Rei Pescador.

Leyenda aragonesa[editar | editar código]

Gnome-searchtool.svg
Ta más detalles, veyer l'articlo Leyenda aragonesa d'o Santo Gredalveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Seguntes a leyenda principal u més conoixita e larga, o Santo Gredal estió primero en a espelunga de Yebra de Basa, dimpués pasó por Sant Per de Ciresa, Sant Hadrián de Sasau, Sant Per d'a Seu Reyal de Bailo y a Seu de Chaca.

Os pelegrins iban ta Santiago de Compostela por o camín de Chaca; pa atrayer a os pelegrins t'o monesterio de Sant Chuan d'a Penya decidioron lebar-ie a reliquia, e i estió dica 1399.

En 1399, lo rei Martín I d'Aragón se lebó lo vaso sagrato t'o palacio de l'Alchafaría de Zaragoza, an estió más de vente anyatas, dimpués d'una breu estata en Barcelona, acompanyando a lo rey, se tresladó a la Seu de Valencia.

Una reproducción d'este obchecto sagrato ye o que leva Tirant lo Blanc sobre o yelmo.

Vinclos externos[editar | editar código]

Bibliografía[editar | editar código]

  • Jean Markale: Pequeño diccionario de mitología céltica. Alejandría, 1995. 2000.