Simón o Mago

De Biquipedia
Ir ta: navego, busca
A muerte de Simón o Mago de Benozzo Gozzoli.

Simón o Mago u Simón de Chitta vivió en o sieglo I y estió un cristián gnostico samaritán considerato tradicionalment o fundador d'a secta d'os Simonians. A sola referencia biblica suya se troba en os "Feitos d'os apóstols" 8:9-24, pero tamién tien un important papel en os evanchelios apocrifos. Bells autors antigos lo consideran l'orichen de totas as herechías.

En os "Feitos d'os apóstols" dicen que estió un bruixo de Samaria a qui l'apostol Felipe convirtió.

Ye mencionato en o "Liber Regum":

En so tiempo era Simón Magus l encantador en Roma. Est Nero fizo meter en cruç a Sant Per e fizo degollar a Sant Paul, e fizo matar a Senecha, so maiestro, qui era muit sage. Regno Nero (A la marguin "en Roma." ) XIIII annos e murie. Et adonc murie Luchan.

Lo mencionan breument en o "Libro del Trasoro":

El fizo cayer a tierra a Simon Mago qui se yua al...

Y tamién en a "Cronica d'Espanya" de García de Eugui:

Jtem en el XIIJ ayno desu imperio disputaron debant est emperador Sant Pedro & Sant Paulo con Simon Mago sobre la fe catholica. Et Simon Mago alabose que puyaria al çielo veyendo ellos e mostraria en si la magestat de dios. Et tomaron lo los diablos por sus encantamientos et puyaron lo....