Guionista

Un guionista ye, en o mundo d'a Cinematografía, o profesional qui fa o guión d'una pelicula, encara que o mesmo nombre s'aplica tamién en a Radio, a Televisión u mesmo en o Cómic.

O guionista puet fer un decumento literario orichinal ta la pelicula (alavez se diz que ye un guión orichinal) u treballar sobre una obra d'atro autor u mesmo propia (alavez se diz que ye un guión adaptato). A sobén, l'adaptación d'un libro ta esdevenir guión cinematografico la fa o mesmo autor d'ixe libro.

En a obra cinematografica tien muita importancia o guión, y asinas bi ha dos Premios Oscar: Premio Oscar a o Millor Guión Orichinal y Premio Oscar a o Millor Guión Adaptato.