Táncher

De Biquipedia
Ir ta: navego, busca
Táncher
طنجة - Tanger
Localidat de Marruecos
Tangier 5184a.jpg
Anvista en a boca de día d'a badía de Táncher, dend'o Cabo Malabata
Estato
 • Rechión
Flag of Morocco.svg Marruecos
Táncher-Tetuán
Superficie 199 km²
Población
 • Total
 • Densidat

850,000 hab. (2012)
3.356,82 hab/km²
Altaria 80 m.
Codigo postal 40000

Táncher (Tancha طنجة en berber y arabe) ye una ciudat a lo norte de Marruecos, capital d'a rechión de Táncher-Tetuán. Ye situata en a costa nordafricana, a la entrata cucha d'o estreito de Chibraltar. Contaba en 2012 con una población censata de 850.000 habitadors.

Toponimia[editar | editar código]

O nombre suyo posiblement deriva d'a diosa berber Tinjis (u Tinga). En o "Libro d'o Trasoro" ye mencionata como Tinge, ye dicir, Tinche, radiz que provién de l'acusativo Tinge-m d'o nominativo Tingis.

E son tres Mauritanyas: vna do fue la ciudat de Cecina, la otra do fue Cesaria, la iijº do es la ciudat de Tinge. E Mauritanya fina la alta mar de Egipto e comjença aquella de Libia

Historia[editar | editar código]

A ciudat fue fundata per colonizadors cartachineses en as primerías d'o sieglo V aC.

En o primer sieglo aC, pasó a estar gubernata per es romans. En o mandato d'Augusto, a colonia estió a capital d'a provincia dita Mauretania Tingitana. En o sieglo V, es vandalos conquerioron y ocuporon "Tingi". Un sieglo dimpués pasó a fer parti d'o Imperio Bizantín, poco antis d'estar controlata y islamizata per es arabes d'a dinastía Omeya en 702.

Ta la Baixa Edat Meya, Táncher pasó a perteneixer dende 1471 a Portugal, dica que en 1661 s'atorgó a Carlos II d'Anglaterra como parti d'o dote d'a infanta portuguesa Catarina de Braganza. Pocos anyos dimpués o soldán Mulai Ismail ibn Xarif de Marruecos aforzó per meyo d'un bloqueyo la reculata d'es angleses, que destrozoron a ciudat antis d'ir-se-ne.

A situación cheografica d'a ciudat fació d'ella un foco ta la diplomacia europea y a rivalidat comercial enta las zaguerías d'o sieglo XIX y prencipios d'o XX. En 1912, s'estalló entre Francia y Espanya. En 1923, se consideró zona internacional administrata en chunto per Francia, Espanya, Gran Bretanya y, dende 1928, tamién per Italia. O control d'a ciudat estió espanyol mientres a Segunda Guerra Mundial, pero pasó a estar parti de Marruecos quan o país consiguió independizar-se definitivament de Francia en 1956.

En l'actualidat, Táncher ye o segundo centro industrial más important de Marruecos, a dezaga de Casablanca. Buena cosa d'a suya economía pende igualment d'o turismo.

Cultura[editar | editar código]

A ciudat ye estata scenario de muitas obras d'arte literarias, cinematograficas, musicals u pictoricas, sobre tot dimpués d'a estacha d'o pintor francés Delacroix. Tamién se ganó una reputación meyo lechendaria como santuario d'espías internacionals en bells periodos d'a suya historia.

D'entre altras personalidatz muertas en Táncher, se i troba l'actor hongaro Paul Lukas y o compositor y escritor estatunitense Paul Bowles.

Vinclos externos[editar | editar código]