Forcallo (Castellón)

De Biquipedia
Ir ta: navego, busca
Iste articlo trata sobre a localidat castellonesa de Forcallo. Ta atros emplegos d'o toponimo Forcallo se veiga Forcallo (desambigación).
Forcallo
Municipio d'o País Valencián
Escudo d'armas
VGeneral Forcall.jpg
Entidat
 • Estato
 • Comunidat
 • Provincia
 • Comarca
Municipio
Flag of Spain.svg Espanya
Comunidat Valenciana
Castellón
Los Puertos de Moriella
Superficie 39,2 km²
Población
 • Total

539 hab. (2005)
Altaria 699 m.
Distancia
 • 120 km

enta Castellón de la Plana
Codigo postal 12310
Forcallo en o País ValenciánForcallo en a comarca de Los Puertos de Moriella

Forcallo (Forcall en catalán y preso oficialment en castellán) ye un municipio d'a provincia de Castellón, situato en a comarca de Los Puertos de Moriella. A suya población ye de 539 habitants (2005), en una superficie de 39,2 km² con una densidat de 13,75 hab/km².

Cheografía[editar | editar código]

Ye situato en una val con quatro muelas arredol, muelas de materials cretacicos tipicas d'o modelato d'o Sistema Iberico en as provincias de Teruel y de Castellón:

  • Mola garumba u Roca de migdia.
  • Mola de Sant Pere u de Roc.
  • Mola de Sant Marc u Mola de la Vila.
  • Mola d'Encamaràs u Roca Roja.

Forcallo ye en a confluyencia d'os ríos Cantaviella, Caldas y Alcherez; seguntes atra visión o río Alcherez naixe on s'achuntan os ríos Cantaviella, Caldas y Moriella. De todas trazas "forcallo", cognato d'o catalán forcall ye como se diz confluyencia de ríos en aragonés.

Mugas[editar | editar código]

O suyo termin muga con Palanques, Villores, Moriella, Cinctorres, Todolella y Castellot.

Toponimia[editar | editar código]

Os toponimos Forcallo en aragonés, Forcall en catalán y Horcajo en castellán gosan interpretar-sen d'alcuerdo con as tradicions locals como os lugars on se feban as execucions publicas quan os churatos d'os municipios teneban poders chudicials.

Manimenos a vegatas son puestos on bi ha una bifurcación de camins u una confluencia de bells ríos, en a imachen popular o camín prene forma de forca. En este caso s'interpreta que o nombre bien por a forma de forca que prenen os ríos Alcherez, Cantaviella y Caldas on s'achuntan.

O exotoponimo aragonés Forcallo se conoix por diferents textos medievals. En os textos notarials d'o sieglo XV relativos a Las Cuevas de Canyart podemos leyer Forcallo. Tamién en o Libro de contos d'el concello de Mirambel (1472-1489):[1]

1933. Item mas, dio a Capdevila que fue con el virrey entro al Forcallo.
2046. Item, posa que dio Nicolau Gombau que levo las mathas al Forcallo III s.
2082. Item, posa que pagaron las manchas de la Mata et ocho s. et XIIII s. a las del Forcallo. Item congrio V s. Item sardinas. olio I s. IIII. Item las manchas de la Mata VIII s. que suma

Encara se feba servir en procesos enquisitorials en 1497 en Zaragoza.

por algunos dias se fue por los lugares de alli del reyno de Valencia, como es de Valencia a Murviedre, y de Murviedro a Nules, y allí tanyó este confessante en unas bodas, y de alli fue a Villareal e de Villareal a Burriol y de Burriol vino al Forcallo e del Forcallo vino a Çurita e de Çurita vino ad Aguas Vivas e de Aguas Vivas vino a Calanda y de alli vino a Ixar y de alli fuese a Scatrón, de Scatrón a la Çaida y de alli a Quinto e de Quinto vino a pasar la barqua de Osera e de Osera ad Alfajarin

Parla[editar | editar código]

Bi ha influencia aragonesa en a suya parla, explicable porque en ista comarca i habió repoblacions con chent d'o Viello Aragón:

  • Apichat d'a G, J d'o catalán cheneral, que pasan a pronunciarse -ch-, que se representa en catalán como tx:
    • txove ("chóven"), txermà ("chirmán").

Referencias[editar | editar código]

  1. Germán Navarro Espinach Cuentas del Concejo de Mirambel (1472-1489). Instituto de Estudios Turolenses, 2008.


Municipios d'a comarca Los Puertos de Moriella
Castellfort | Cinctorres | Forcallo | Herbers | La Mata | Moriella | Olocau del Rey | Palanques | Lo Portiel | La Todolella | Zurita | Vallibana | Villores