Calanda

Calanda
Municipio d'Aragón
Lo Templo de lo Pilar de Calanda.
Entidat  • País  • Provincia  • Comarca	Municipio Aragón  Teruel Baixo Aragón (comarca)
Superficie	112,26 km²
Población  • Total	3,899 hab. (2009)
Altaria	450 m.
Distancia  • 139 km	enta Teruel
Codigo postal	44570
Coordenatas	40°55’58’’N 0°13’58’’U
Calanda Situación de Calanda en Aragón
www.calanda.es

Calanda ye un municipio y una villa de la provincia de Teruel, situata en la comarca de lo Baixo Aragón.

La suya población ye de 3.899 habitants (2009), en una superficie de 112,26 km².

Cheografía

Ye situato en lo semontano de las primeras sierras de lo Sistema Iberico, ye lo cabo sud de la Depresión de l'Ebro, a 450 metros d'altaria dencima de lo ran de la mar y a una distancia de 139 km d'a ciudat de Teruel, a capital d'a suya provincia.

Muito a mán de Calanda s'achutan lo río Guadalopiello con lo río Guadalop; habendo-ie una importán huerta es las riberas de los dos ríos. En ixa huerta destaca la producción de prescos y en prenen lur nombre totz los prescos de lo Baixo Aragón: la denominación d'orichen melocotón de Calanda, encara que esta fruita siempre s'ha dito presco en tota la redolada.

En lo terreno plano más alto en dirección ta Alcanyiz ye ocupato por oliverals. Bi ha pinetas de pin borde en las zonas más montanyosas de lo sud y este, en dirección ta Lo Mas de las Matas y La Chinebrosa (Disierto de Calanda).

Mugas

	Alcanyiz
Alcorisa		Castelserás, La Torre de Biliella
	Foz Calanda, La Chinebrosa

Historia

En lo periodo musulmán, Qalanna a más de lo nombre de lo lugar yera o nombre d'un distrito, balad.

Dimpués de la reconquiesta a los musulmans de Calanda y Foz Calanda, lis se deixó quedar-sen-ie a diferencia de muitos lugars de la redolada.

Toponimia

Ya existiba en la epoca iberica y se diciba Colenda. En lo periodo musulmán s'escribiba Qalanna.

• Bells toponimos talment mozarabes como Tolocha. Lo toponimo Castiel puet estar tanto mozarabe como aragonés.
• Bells toponimos aragoneses como Abellares, El Regallo, el Cerrallar, y Sierra del Saso.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									5
Partido Popular									4
Partido Aragonés									2
Total									11

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	Manuel Royo Ramos	Partido de los Socialistas de Aragón
2011–2015	José Ramón Ibáñez Blasco	Partido de los Socialistas de Aragón

Molimentos

Convento de lo Disierto (Calanda, Baixo Aragón, Teruel), declarato Bien d'Intrés Cultural.

• Casa Fortón-Cascajares, en la carrera Mayor 48, actualment seu de lo Centro Buñuel Calanda. Edificio d'estilo neoclasico, protechito legalment dende 2004 con la suya declaración como Bien d'Intrés Cultural.
• Convento de lo Desierto, a una distancia d'arredol de 12 km de Calanda, d'estilo barroco, de 1608, hue enronato. Ye protechito legalment con la suya declaración como Bien d'Intrés Cultural.
• Templo del Pilar

Apellitos

L'apellito Celma ye d'entre los más comuns y ya lo teneba un musulmán que sale en la Carta Puebla. L'apellito aragonés Trallero ye común. Existe tamién como caracteristico l'apellito Mindán, que puet venir de lo francés mendiant, mendigo.

Presonalidatz naixitas de Calanda

Categoría principal: Naixitos de Calanda.

• Abd Allah b, Isà al-Saybani, de kunya Abu Muhhamad, un intelectual y relichioso hispanomusulmán muerto en Valencia en 1135.
• Luis Buñuel ye naixito en Calanda, d'una familia de Foz Calanda.
• Gaspar Sanz
• Juan de Sesé y Balaguer
• Mariano Valimaña y Abella
• Cardenal Cascajares
• Julián Pastor Alvira
• Vicente Allanegui
• Miguel Sancho Izquierdo
• Manuel Mindán Manero
• José Arbiol Sanz
• José Lamiel

Curiosidatz

• Calanda ye uno de los pocos lugars d'Espanya on s'han producito dos miraglos. Lo famoso "Miraglo de Calanda" ye asociato a lo culto a la Virchen de lo Pilar.
• La princesa Letizia Ortiz Rocasolano provién de Calanda por parte de madre. L'apellito Rocasolano lo trayó ta Calanda un debantpasato suyo, Pantaléon Roquesoulane, un occitán que venió ta Calanda dende Marcolès (Auvernia).

Parla

Como en tot lo Baixo Aragón en sentito amplo bi ha muitos aragonesismos, (afogar, taca, endizcar, presco, punchar, etz...). Existe un estudeyo de lo lexico calandino feito por un fillo d'este lugar. Los aragonesismos presents en la parla calandina son un reflexo de l'aragonés que se i parló, a l'egual que los textos alchamiatos de lo sieglo XV y talment tamién d'o sieglo XVI trobatos en esta localidat, que presentan formas como nueyt, feyto, dito, ecetra.

Localidatz achirmanatas

• Frosins (Alta Garona, Occitania).

Vinclos externos

• Se veigan as imáchens de Commons sobre Calanda.
• www.calanda.es, pachina web oficial.