Rechión de Bruselas-Capital

Bruselas-Capital Bruxelles-Capitale Hoofdstedelijk Gewest
Rechión de Belchica
Bandera
Bruselas-Capital en Belchica y en a Unión Europea
Capital	Bruselas
Idioma oficial	Francés y neerlandés
Entidat  • Estato	Rechión Belchica
Superficie  • Total	16.844 km²
Población  • Total  • Densidat	1.101.872 hab. (2009) 6.827,81 hab/km²
ISO 3166-2	BE-BRU
Pachina web oficial

A Rechión de Bruselas-Capital (francés: Région de Bruxelles-Capitale, neerlandés: Brussels Hoofdstedelijk Gewest) u simplament Rechión de Bruselas (francés: Région Bruxelloise, neerlandés: Brusselse Gewest) ye una d'as tres Rechions que forman Belchica. Ista rechión, bilingüe seguntes os estatutos municipals, ye habitata por belgas que perteneixen a las dos prencipals comunidatz lingüisticas d'o país: a comunidat francesa y a comunidat flamenca. Un 50% alto u baixo d'a población bruselense ye francofona por l'orichen d'a suya luenga materna, 10% flamenca y 40 % charran atras luengas (que emplegan quasi exclusivament como lingua franca o francés), en o suyo conchunto o francés ye emplegato por o 95,55% d'a población de traza habitual. Debito a la presencia en o suyo territorio de numerosas institucions internacionals, se troba igualment entre as concentracions más importants d'habitantz naixitos d'atros países d'a Unión Europea. A isto cal sumar numerosos inmigrants procedents d'o Magreb (mas que mas de Marruecos) de Turquía, d'America, d'Africa (mas que mas d'a República Democratica d'o Congo, antiga colonia belga) y d'Europa central, fendo d'a Rechión un conchunto cosmopolita y multicultural.

Quantas ciudatz son achirmanatas con a Rechión de Bruselas-Capital: Berlín, Washington D.C., Montevideo, Sofía, Lille, Pequín, Moscú, Sichuan y Brasilia.