Provincia de Lidje

Provincia de Lidje Province de Liège Provinz Lüttich
Provincia de Belchica
Bandera Escudo
A provincia de Lidje en Valonia y en Belchica
Capital	Lidje
Entidat  • Estato  • Rechión  • Comunidatz	Provincia Belchica Valonia Francesa y chermanofona
Subdivisions	Destrito de Lidje Destrito de Vervî Destrito de Hu Destrito de Wareme
Superficie  • Total	3.862 km²
Población  • Total  • Densidat	1.019.442 hab. 0,26 hab/km²
Pachina web oficial

A provincia de Lidje (francés: Province de Liège, neerlandés: Provincie Luik, alemán: Provinz Lüttich) se sitúa a l'este de Belchica, en a Rechión Valona, y muga con Luxemburgo, Alemanya y os Países Baixos.

A provincia tien 1.016.762 habitants en un territorio de 3.862 km², repartitos en 84 communes (municipios) distribuyitos a la vegata en quatre arrondissements (destritos) : Lidje, Vervî, Hu y Wareme. L'este d'a provincia perteneixeba, antis de 1920 y d'o Tratato de Versailles, a Alemanya (municipios d'Eupen, Malmedy y Sankt Vith).

Lidje ye a la vegata a capital d'a provincia y a suya ciudat más important a ran economico y cultural.

A provincia disposa d'un important rete d'autopistas enta as grans ciudatz belgas y os países vecins asinas como una conexión TAV (Thalys) con Bruselas y Alemanya. O puerto autonomo de Lidje y l'aeropuerto de Bierset (Lidje) son tamién dos importants ferramientas lochisticas en proceso de reyalización.

O gubernador d'a provincia ye Michel Foret dende l'1 d'octubre de 2004.

Ista provincia tien nueu communes (municipios) de parla alemana (que forman a Comunidat de parla alemana) situatas a l'este d'a provincia. A rechión chermanofona ye incluyita en o destrito de Vervî, que poseye alto u baixo 70.000 habitants en una superficie de 854 km².

Cal parar cuenta que dos municipios tienen lo que se diz “facilidatz lingüísticas”. Ye decir, que encara que sían francofonos, os ciudadans pueden exprisar-se en alemán con as administracions publicas. Se tracta d'os municipios de Waimes y de Malmedy.